जल्दिए यूजर्स के इंस्टैंट मैसेजिंग ऐप व्हाट्सएप पे वीडियो कॉल के दौरान स्क्रीन शेयरिंग के सुविधा मिले वाला बा। कंपनी एकरा खातीर एगो नाया फीचर जारी करे वाली बिया। ए नाया फीचर के बीटा टेस्टिंग भी शुरू हो गईल बा। एह फीचर में यूजर एगो बटन टैप क के कॉल में बाकी प्रतिभागी के अपना स्क्रीन के देखा सकतारे, वीडियो कॉल भी क सकतारे।
व्हाट्सएप के नया फीचर का बा?
ए फीचर के एंड्रॉयड खातीर व्हाट्सएप बीटा वर्जन 2.23.11.19 पे फीचर ट्रैकर WABetaInfo देखले बा। फीचर ट्रैकर के ओर से साझा कईल गईल स्क्रीनशॉट के मुताबिक, मानक एंड्रॉयड रिकॉर्डिंग/कास्टिंग पॉपअप के मदद से यूजर एकही टैप के संगे स्क्रीन शेयर क सकतारे अवुरी ओकरा बाद सुविधा दे सकतारे।
स्क्रीन शेयरिंग एगो अयीसन फीचर ह जवन कि ज़ूम, गूगल मीट, माइक्रोसॉफ्ट टीम अवुरी स्काइप जईसन ऐप पे भी दिहल जाला। माने कि व्हाट्सएप वीडियो कॉल के दौरान भी एही तरह के स्क्रीन शेयर कईल जा सकता। जवन यूजर व्हाट्सएप के स्थिर संस्करण के इस्तेमाल करतारे, उ उम्मीद क सकतारे कि बाद में इ फीचर उनुका संस्करण में लागू हो जाई।
एही तरे इ फीचर काम करी
आपन स्क्रीन साझा करे खातिर रउरा ‘अब शुरू करीं’ बटन पे टैप करे के पड़ी। इहाँ गूगल कुछ चेतावनी देखा के आपके जोखिम के बारे में चेताई। अब रउरा अपना स्क्रीन के सामग्री दोसरा प्रतिभागियन के देखा सकीलें। जब इ प्रक्रिया पूरा हो जाई त आप लाल रंग के Stop Sharing बटन पे टैप क सकतानी अवुरी स्क्रीन शेयरिंग बंद हो जाई।
इ फीचर कुछ खास स्थिति में काम आ सकता, जईसे कि आपके रिश्तेदार चाहे दोस्त के स्मार्टफोन पे रिमोट से तकनीकी सहायता दिहल। एह फीचरन के मदद से यूजर वीडियो कॉल के दौरान आपन गैलरी, वीडियो, पीपीटी आदि के दोसरा सदस्यन के भी देखा सकेलें।
