उपराष्ट्रपति पद के उम्मीदवार मार्गरेट अल्वा आजु आपन नामांकन पत्र दाखिल कइली. ए दौरान कांग्रेस नेता राहुल गांधी, मल्लिकार्जुन खड़गे, राकांपा प्रमुख शरद पवार, कांग्रेस नेता आधीर रंजन चौधरी, शिवसेना नेता संजय राउत समेत विपक्षी दल के नेता मौजूद रहले। हम बता दीं कि उपराष्ट्रपति चुनाव में मार्गरेट अल्वा के विपक्ष के संयुक्त उम्मीदवार घोषित कर दिहल गइल बा. उनुका नाम के घोषणा राकांपा प्रमुख शरद पवार कईले।
अल्वा गांधी परिवार के प्रति वफादार रहल बाड़े
उपराष्ट्रपति चुनाव में संयुक्त विपक्षी उम्मीदवार घोषित मार्गरेट अल्वा कांग्रेस के नेता लोग के एगो पीढ़ी से आईल बाड़ी, जवन गांधी परिवार के प्रति वफादार बनल रहले। 1969 में इंदिरा गांधी के प्रति निष्ठा के संगे उ कांग्रेस के राजनीति में उतरले। गांधी परिवार के प्रति उनकर निष्ठा चार दशक तक जारी रहल अउरी एही दौरान उ एकर पूरा फायदा भी उठवले। 1974 से 1998 तक पार्टी लगातार उनुका के राज्यसभा भेजत रहे। एकरा बाद उ 1999 से 2004 तक लोकसभा के सदस्य रहली। एक बेर कैबिनेट मंत्री के पद भी सम्हरले रहले। हालांकि 2004 में लोकसभा चुनाव में उ हार गईली। बाद में उनुका के राज्यपाल बनावल गइल.
2008 में सोनिया गांधी से मतभेद
हालांकि 2008 में पहिला बेर उनुका तत्कालीन कांग्रेस अध्यक्ष सोनिया गांधी से मतभेद रहे। एकरा बाद अल्वा कर्नाटक के पार्टी नेतृत्व प सार्वजनिक तौर प टिकट बेचे के आरोप लगवले। दरअसल राज्य के नेतृत्व उनुका बेटा निवेदित अल्वा के टिकट देवे से इनकार क देले रहे।
मतभेद का बाद इस्तीफा दे दिहले रहने
एकरा बाद उनुकर मुलाकात सोनिया गांधी से भईल जवना के बाद उ पार्टी के सभ पद से इस्तीफा दे देले। हालांकि कुछ समय बाद उ लवट के उनुका के उत्तराखंड के राज्यपाल बनावल गईल। उ उत्तराखंड के पहिला महिला राज्यपाल रहली। उनकर एगो अउरी बेटा निखिल अल्वा के राहुल गांधी के करीबी मानल जाला। कांग्रेस प्रचार विभाग प्रमुख जयराम रमेश अपना उम्मीदवारी के देश के विविधता के प्रतिनिधित्व बतवले.
Comments are closed.