बीएचयू के छात्रन के अब घर बइठल लाइब्रेरी के सुविधा मिल सकी। ई-लाइब्रेरी के माध्यम से ही ऊ केंद्रीय ग्रंथालय में ई रिसोर्स के उपयोग जरूरत पड़ले पर क सकत बाने। केंद्रीय ग्रंथालय के ओर से ई-लाइब्रेरी पोर्टल के उपयोग के बारे में आयोजित कार्यशाला में छात्रन के ई रिसोर्स के उपयोग के जानकारी देहल गइल।
विश्वविद्यालय के ग्रंथालयी डॉ. देवेंद्र कुमार सिंह कहलें कि केंद्रीय ग्रंथालय द्वारा ई-रिसोर्स उपयोग के अउरी सुविधाजनक बनावे खातिर ई कार्यशाला काफी उपयोगी साबित होई। विश्वविद्यालय में संस्थान, संकाय में ई-लाइब्रेरी पोर्टल पर कार्यशाला के आयोजन करावल जाई।
ई- लाइब्रेरी साफ्टवेयर, डेवलपर एंड सीईओ मोहित शर्मा विद्यार्थियन के ई-लाइब्रेरी के प्रभावी उपयोग के बारे में बतवले। छात्र-छात्रा लैपटॉप, मोबाइल आ टैब के माध्यम से लॉगिन कके एह सुविधा के कौनों समय कहीं से भी लाभ उठा सकत बाने। ई-रिसॉर्स के सिंगल विंडो सर्च के माध्यम से 16156 ई-जर्नल, 82304 ई-बुक, 131855 विडियो लेक्चर्स, 781234 ई-थिसिस, 2299 रिपोर्ट्स अउरी 27 डाटाबेस के प्राप्त कइल जा सकत बा।
Comments are closed.