गोरखपुर जाए वाली भारत के पहिला हाई स्पीड ट्रेन वंदे भारत एक्सप्रेस शनिचर के छोड़ के सप्ताह में 6 दिन चली। रेलवे भी आपन अधिसूचना जारी कइले बा। बता दीं कि पिछला कुछ दिन से वंदे भारत एक्सप्रेस के ट्रायल रन लखनऊ-गोरखपुर पटरी पs चलत बा। जवना में वंदे भारत महज 100 मिनट में अयोध्या के दूरी तय क ली।
रेलवे बोर्ड बुध के दिने गोरखपुर से लखनऊ के बीच वंदे भारत एक्सप्रेस चलावे के समय सारिणी जारी कइलस। वंदे भारत एक्सप्रेस शनिचर के छोड़ के हफ्ता में छह दिन चली। ट्रेन 22549 वंदे भारत एक्सप्रेस सुबह 6.05 बजे गोरखपुर से निकली आ सबेरे 6.58 बजे बस्ती आ सबेरे 8.15 बजे अयोध्या पहुंच के सबेरे 10.20 बजे लखनऊ पहुंची।
वंदे भारत एक्सप्रेस लखनऊ से शाम 7.15 बजे रवाना होई। इ ट्रेन रात के 9.15 बजे अयोध्या, रात के 10.30 बजे बस्ती अवुरी रात के 11.25 बजे गोरखपुर पहुंची। ट्रेन के संचालन मनकापुर में रुक जाई। एह स्टेशन के टिकट जारी ना कइल जाई। पूर्वोत्तर रेलवे के ट्रेन होखला के बाद भी वंदे भारत एक्सप्रेस उत्तरी रेलवे के चारबाग स्टेशन पs आई।
साथ ही वाराणसी लखनऊ शटल सुपरफास्ट भी लखनऊ पहुंचेला। दिलकुशा रेलवे क्रासिंग से चारबाग ले दुनो महत्वपूर्ण ट्रेन खातीर दक्षिण अवुरी उत्तर लाइन के रास्ता बनावे के होई। जहां सांझ के लखनऊ से वंदे भारत चले के होई, उहें अयीसन स्थिति में गोरखपुर इंटरसिटी से यात्री के आकर्षित करे के चुनौती भी सोझा आई ।
