अमेरिकी राष्ट्रपति जो बाइडेन सितंबर में भारत आवे के बेसब्री से इंतजार करत बाड़न । दक्षिण आ मध्य एशिया खातिर अपना प्रशासन के एगो व्यक्ति कहले कि भारत-अमेरिका संबंध खातिर साल 2024 एगो बड़ साल होखे वाला बा।
वाशिंगटन: अमेरिकी राष्ट्रपति जो बाइडेन सितंबर में भारत आवे के बेसब्री से इंतजार करत बाड़न। दक्षिण आ मध्य एशिया खातिर उनुका प्रशासन के सहायक विदेश सचिव डोनाल्ड लू के कहना बा कि भारत-अमेरिका संबंधन खातिर साल 2024 एगो बड़हन साल होखे वाला बा।
सगरी देशन के एकजुट करे के मौका – सहायक विदेश मंत्री
दक्षिण आ मध्य एशिया के सहायक विदेश सचिव डोनाल्ड लू गुरुवार के पीटीआई के दिहल साक्षात्कार में कहले कि जी-20 में भारत के नेतृत्व दुनिया में भलाई के ताकत के रूप में खड़ा होखे के क्षमता व्यापक करता। उ कहले कि इ एगो बड़ साल होखे वाला बा। बेशक भारत जी-20 के मेजबानी कर रहल बा।
एह साल अमेरिका APEC के मेजबानी करत बा। जापान जी 7 के मेजबानी क रहल बा। हमनी के QUAD के बहुत सदस्य नेतृत्व के भूमिका निभावेले आ एकरा से हमनी के सभके अपना देश के एक संगे ले आवे के मौका मिलेला।
बाइडेन भारत के दौरा करे खातिर बेताब बाड़े
उ कहले कि हमरा मालूम बा कि हमनी के राष्ट्रपति सितंबर में भारत आवे के बेसब्री से इंतजार करतारे। जी-20 नेता शिखर सम्मेलन के तहत उनुकर इ पहिला भारत यात्रा होई। हमनी के सचमुच उत्साहित बानी जा कि अगिला कुछ महीना में का होखे वाला बा।
लू इहे कहले आ फेर आखिर में एह महीना हमनी के नयका राजदूत एरिक गार्सेटी के आगमन। अमेरिकी दूतावास में हमनी के भारतीय आ अमेरिकी स्टाफ उनुकर वाकई में गरमजोशी से स्वागत कइल। उ भारत से मिले के बेसब्री से इंतजार करतारे आ हमरा लागता कि भारत के पाता चल जाई कि उ जवान बाड़े, उ उत्साही बाड़े, आ उ हमनी के रिश्ता के नाया ऊंचाई पे ले जाए खातीर बेताब बाड़े।
भारत बढ़िया काम कइलस
उ कहले कि हमनी के पछिला महीना जी-20 विदेश मंत्री स्तर के बैठक के मेजबानी क के भारत के ओर से कईल गईल जबरदस्त काम खातीर सचमुच आभारी बानी आ हमनी के ए साल सितंबर में होखेवाला नई दिल्ली नेता शिखर सम्मेलन समेत कई गो जी-20 बैठक में सक्रिय रूप से भाग लेवे के उम्मीद बा .. भाग लेबे के बेसब्री से इंतजार बा।
इंडो पैसिफिक के समर्थन खातिर एकजुट होखे वाला देश
उ नोट कईले कि मार्च में डॉ. जयशंकर कुल चार विदेश मंत्रियन के साथे रायसीना डायलॉग में एगो मंत्रिस्तरीय बैठक आयोजन कईले रहले। QUAD के विदेश मंत्री लोग से ई अपना तरह के पहिला सार्वजनिक चर्चा रहे आ एह दौरान ऊ लोग एह बात पे बतियावल कि कइसे हमनी के चारो देश एकजुट होके भारत-प्रशांत के लोग के समर्थन क रहल बाड़े।
साभार- जागरण
