यूपी एटीएस गुरुवार के रात लखनऊ हवाई अड्डा से संदिग्ध आईएसआई एजेंट मुकिम के गिरफ्तार क लेलस। बतावल जाता कि उ मुंबई फ्लाइट से लखनऊ पहुंचल रहले। सूत्र के मुताबिक एटीएस पूछताछ में रिमांड के दौरान गिरफ्तार संदिग्ध आतंकी रईस उनुका के आपन सहयोगी कहले रहले। हालांकि एटीएस अबे ले एकर पुष्टि नईखे कईले।
मुकिम गोड़ा निवासी हवे, एटीएस पूछताछ सूत्र के मुताबिक गोंडा के तरबगंज बीनपुरवा रामापुर गांव निवासी मुकिम रईस रईस के संपर्क में रहले। रईस के गिरफ्तारी के बाद एटीएस उनुका के खोजत रहे।
पाकिस्तान खातिर जासूसी करे के आरोप में एटीएस पकड़ले बा। एकरा संगे पहिले पकड़ल गईल पाकिस्तानी एजेंट से उनुका संबंध के जानकारी भी जुटावल जाता।
यूपी एटीएस गुरुवार के हिरासत रिमांड में रईस के अपना गांव रामापुर दिनपुरवा ले गईल। जहाँ उनुकर सामना माई-बाबूजी से भईल। करीब एक घंटा के पूछताछ अवुरी जांच में एटीएस के बहुत महत्वपूर्ण जानकारी मिल गईल बा। एटीएस रईस से पहिले कश्मीर के रिजवान खान अवुरी गोंडा निवासी सद्दाम शेख के गिरफ्तार क लेले बिया। उनुका सूचना पs गोंडा के सलमान अवुरी मुंबई के अरमान के भी गिरफ्तार क लिहल गईल।
साभार- दैनिक भास्कर