Trisha Krishnan: पोन्नियिन सेलवन 2 के एक्ट्रेस तृषा कृष्णन जल्दीए बनिहें दुल्हनिया, एह प्रोड्यूसर से करिहें बियाह

Minee Upadhyay

 

ऊ अपना खूबसूरत लुक आ बेहतरीन अभिनय कौशल से लाखों प्रशंसकन के दिल पर राज करेली। उनकर निजी जिनिगी के बात कइल जाव त एह अभिनेत्री खातिर ई हमेशा से उतार-चढ़ाव रहल बा। हालांकि ताज़ा खबर के मुताबिक त्तृषा अपना जीवन के एगो नाया चरण के तैयारी में आगे बढ़तारी।

 

मीडिया रिपोर्ट के मुताबिक तृषा कृष्णन बियाह करे खातीर तैयार बाड़ी। अगर रिपोर्ट पs विश्वास करे के बा त जल्दिए त्तृषा अपना सपना के राजकुमार से बियाह करीहे, जवन कि रिपोर्ट के मुताबिक मलयालम निर्माता हवे। ए मामला में अभिनेत्री के ओर से अबे ले कवनो पुष्टि नईखे भईल।

त कुछ दिन पहिले त्तृषा कृष्णन अपना फिल्म ‘पोन्नियिन सेलवन 2′ के प्रचार के दौरान अपना शादी के योजना के बारे में खुलासा कईले रहली। अभिनेत्री साझा कईले रहली कि उ अभी तक ए बारे में कवनो फैसला नईखी कईले। एह बारे में अउरी विस्तार से बतावत त्तृषा कहले रहली कि उनुकर कुछ दोस्त अवुरी करीबी लोग के बियाह हो गईल बा, लेकिन अब उ लोग तलाक के रास्ता चुनतारे।

अभिनेत्री तृषा के सगाई 23 जनवरी 2015 के चेन्नई के एगो बिजनेसमैन से भइल रहे। लेकिन कुछ महीना बाद तृषा सबके चौंका दिहली जब उ घोषणा कईली कि उ अवुरी उनुकर मंगेतर अलग हो गईल बाड़े।हालांकि तृषा एकर कारण कबहूँ ना बतवली।

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।