देश के एह 13 गांवन मे आज पहिला बेर फहरावल जाई तिरंगा, आजादी के बाद से अब ले नाहीं भइल रहे अइसन

 

आजु ई सोचल मुश्किल बा कि भारत में कवनो अइसन जगह होखी जहाँ आजु ले तिरंग ना फहरावल गइल होखे बाकिर अइसहीं बा. खबर के मुताबिक, बियफ़ें के पहिला बेर छत्तीसगढ़ के नक्सल प्रभावित बस्तर क्षेत्र के 13 गांव में राष्ट्रीय झंडा फहरावल जाई। बुध के एकरा बारे में जानकारी देत ​​पुलिस अधिकारी बतवले कि पछिला 7 महीना में एs गांव में सुरक्षा बल के नाया शिविर के स्थापना के बाद इलाका में विकास के रास्ता खुल गईल बा।

एह 13 गाँवन में अबहीं ले तिरंगा ना फहरावल गइल रहे

बस्तर क्षेत्र के पुलिस महानिरीक्षक सुंदरराज पी. बतवले कि बियफ़ें के नेरलीघाट (दंतेवाड़ा जिला), पानीडोबीर (कांकेर), गुंडम, पुतकेल आ छुटवाही (बीजापुर), कस्तूरमेटा, मसपुर, इराकभट्टी आ मोहंदी (नारायणपुर), टेकलगुडेम, पुवर्ती, लाखापाल आ पुलनपाड़ (सुकमा) गाँव में फहरावल जाई. उs कहले कि एs गांव में अयीसन आयोजन पहिले कबहूँ ना भईल रहे। सुंदरराज कहले कि पछिला गणतंत्र दिवस के बाद एs जगह पs सुरक्षा शिविर लगावल गईल बा। नया शिविर के स्थापना के बाद इलाका के नया पहचान दिहल गईल बा।

रायपुर में मुख्यमंत्री राष्ट्रीय झंडा फहरईहें

सुंदरराज कहले कि शिविर एगो शांतिपूर्ण अवुरी समृद्ध बस्तर के निर्माण में छोट-बड़ लोग खातीर आशा के किरण के काम करी। एह शिविरन से सरकारी कल्याणकारी योजना के जनता, मुख्य रूप से आदिवासी लोग ले पहुंचे में मदद मिल रहल बा आ इलाका के विकास के राह भी खुल रहल बा। एही बीच राज्य सरकार राजधानी रायपुर समेत सभ जिला में स्वतंत्रता दिवस मनावे के तैयारी पूरा कs लेले बिया। अधिकारी बतवले कि बियफ़ें के सबेरे मुख्यमंत्री विष्णुदेव साई रायपुर के पुलिस परेड मैदान में राष्ट्रीय झंडा फहरावे के काम करीहे।

दुनो उपमुख्यमंत्री राष्ट्रीय झंडा फहरईहें

अधिकारी बतवले कि बिलासपुर में उपमुख्यमंत्रीAZ अरुण साव बिलासपुर में, विजय शर्मा जगदलपुर (बस्तर जिले के मुख्यालय) में तथा केंद्रीय राज्य मंत्री तोखन साहू मनेंद्रगढ़-चिरमिरी-भरतपुर मे राष्ट्रीय ध्वज फहरईहें। अधिकारी बतवले कि राज्य के अलग-अलग जगह पs होखेवाला स्वतंत्रता दिवस समारोह में अवुरी मंत्री अवुरी विधायक भाग लिहे। बियफ़ें के स्वतंत्रता दिवस के उत्सव के ध्यान में राखत राज्य में खास तौर पs माओवादी प्रभावित इलाका में सुरक्षा के मजबूत कईल पुलिस अधिकारी बतवले।