उत्तर प्रदेश के अमरोहा जिला में दर्दनाक हादसा भइल बा। हादसा में चार लोग के मौत हो गइल। जबकि एक लोग घायल बानें। घायल के अस्पताल में भर्ती करावल गइल बा। उहवें शव के कब्जा में ले के पुलिस जांच शुरू कs देहले बा।
गजरौला थाना इलाका में एक ऑटो के अज्ञात वाहन टक्कर मार देहलस। ऑटो में पांच लोग सवार रहल। हादसा में चार लोग के मौत हो गइल। जबकि एक यात्री घायल हो गइलें। उनके जिला अस्पताल में भर्ती करावल गइल बा। सबके के परिजन लोग के सूचना दे दिहल गइल बा।
अमरोहा के पुलिस अधीक्षक आदित्य लांग्हे कहलें कि वैधानिक कार्रवाई कइल जा रहल बा। अज्ञात वाहन के पता लगावे खातिर हमनींके सीसीटीवी फुटेज देख रहल बानीं जा।
