गोरखपुर-फैजाबाद खंड स्नातक (एमएलसी) निर्वाचन खातिर मतदाता सूची लगभग तैयार हो गइल बा। 23 के एयर ड्राफ्ट प्रकाशन होई, जेकरे बाद नौ दिसंबर तक वोटर बनले के एगो अउर मौका मिली। 30 दिसंबर के मतदाता सूची के अंतिम प्रकाशन होई।
एक अक्तूबर 2022 से नयका सिरा से तैयार कइल जा रहल मतदाता सूची खातिर निर्वाचन क्षेत्र के सब 17 जिला से वोटर बने खातिर कुल 2 लाख 20 हजार 915 आवेदन आइल। एमें से एक लाख 98 हजार 611 आवेदन के स्वीकृति मिलल बा। यानी एनकर वोटर बनल तय बा। 3,339 आवेदन पत्र अस्वीकृत कs दिहल गइल बा। गोरखपुर में सर्वाधिक 44260 लोग वोटर बनने खातिर आवेदन कइलें, जेमें से 43,853 आवेदन स्वीकृत भइल बा।
कुल स्वीकृत आवेदन में से पुरुषन के आवेदन के संख्या 1 लाख 39 हजार 236, जबकि महिला के आवेदन के संख्या 72, 234 बा। वोटर बने खातिर सबसे ज्यादा जागरूकता भी गोरखपुर के ही महिला लोग देखवले बा। इहां 44,260 आवेदन में से 28,431 पुरुष अउर 15,422 महिला वोटरन के आवेदन पत्र स्वीकृत भइल बा। इहां कुल 407 आवेदनपत्र छाँट देहल गइल बा।
गोरखपुर-फैजाबाद खंड स्नातक निर्वाचन क्षेत्र के तहत पांच मंडल गोरखपुर, बस्ती, आजमगढ़, फैजाबाद अउर देवीपाटन मंडल के 17 जिला के स्नातक वोटर मतदान कs सकेने। 1 नवंबर 2022 से तीन साल पूर्व स्नातक के डिग्री हासिल करे वाले ही मतदाता बन सकेने। आवेदन भर के संबंधित तहसील कार्यालय में जमा करे के होई।