iPhone 14: सात सितंबर के हो सकत बा लॉन्चिंग, नया एपल वॉच भी होई लॉन्च

एपल के iPhone 14 सीरीज के लॉन्चिंग रिपोर्ट सामने आइल बा। दावा कइल जा रहल बा कि iPhone 14 सीरीज के लॉन्चिंग सात सितंबर के होई हालांकि एपल अभिन ले आधिकारिक तौर पर कुछ नाइ कहले बा। रिपोर्ट के मुताबिक सात सितंबर के होखे वाले इवेंट में iPhone 14 सीरीज के साथ नया Mac, नया iPads अउरी एपल वॉच के तीन मॉडल लॉन्च हो सकsला। अस्थिर अर्थव्यवस्था के बीच एपल अन्य कंपनियन के मुकाबले स्मार्टफोन मार्केट में बढ़िया प्रदर्शन कs रहल बा। पिछले तिमाही में एपल अन्य ब्रांड के मुकाबले बेहतर प्रदर्शन कइलें बा।

iPhone 14 के प्रो मॉडल होई महंग

एक नया रिपोर्ट में दावा कइल जा रहल बा कि Apple iPhone 14 सीरीज के प्रो मॉडल के कीमत पहिले के मुकाबले अधिक होई। Wedbush एनालिस्ट के एक रिपोर्ट के मुताबिक iPhone 14 Pro और iPhone 14 Pro Max के कीमत में आईफोन 13 सीरीज के प्रो मॉडल के मुकाबले 100 डॉलर यानी करीब 8,000 रुपया के इजाफा देखे के मिल सकsता।

रिपोर्ट में इहो दावा कइल जा रहल बा कि iPhone 14 Pro अउरी iPhone 14 Pro Max के बिक्री रेगुलर मॉडल के मुकाबले बेसी होई। iPhone 13 Pro अउर iPhone 13 Pro Max के पिछले साल भारतीय बाजार में क्रमशः 1,19,900 रुपये अउर 1,29,900 रुपया के शुरुआती कीमत पर लॉन्च कइल गइल रहल।