पटाखा फैक्ट्री हादसा: 12 मृतकन के घर वालन के मिली पांच-पांच लाख के मुआवजा, तीन साल पहिले घटल रहे दिल दहलावे वाला घटना

जांच करे पहुंचल रहे एटीएस

घटनास्थल पर ग्रेनेड मिलले के अफवाह पर फोर्स तैनात कs दिहल गइल रहे। एकरे बाद एटीएस सहित तमाम एजेंसी जांच खातिर पहुंच गइल रहे। एह हादसा में कुल 12 लोग के मौत भइल। एहमें फैक्ट्री मालिक कलियर मंसूरी के दू लइके इरफान, आबिद के अलावा चौरी के अर्जुनपुर के सलीम शाह के मौत हो गइल रहे।

फैक्ट्री के पीछे कालीन कारखाना में कालीन के बुनाई क रहल बंगाल के 9 कालीन बुन के भी काल के गाल में समा गइल रहनें। चार लोग घायल हो गइल रहनें। विपक्षी दल मुआवजा के मांग उठल रहे। अब एनएचआरसी के ओर से विस्फोट में मरे वाले के परिजनन अउर घायलन के मुआवजा देहले के तैयारी पूरी हो चुकल बा।

जल्दी मुआवजा देवे खातिर पुलिस कार्यवाही शुरू कs देहले बा। पुलिस अधीक्षक डॉ. अनिल कुमार बतवलें कि राष्ट्रीय मानवाधिकार आयोग के ओर से मृतकन के परिजन लोग के 5-5 लाख अउर घायलन के 2-2 लाख रुपया मुआवजा दिहल जाई। मृतकन के परिजन लोग के तस्दीक कइल जा रहल बा ताकि उनके मुआवजा जल्दी मिल सके।