फलस्तीन पऽ बोले वाला बांग्लादेश पऽ चुप… उनका खातिर राजनीति, हमनीं खातिर राष्ट्र महत्वपूर्ण- विपक्ष पऽ गरजले योगी

सीएम योगी आदित्यनाथ कहले कि पूरा दुनिया के लोग के एह भूमि के प्रति अपार आकर्षण बा। प्रधानमंत्री नरेंद्र मोदीयो ओही विकास आ विरासत के बात करेलें जवन रउरा लगे बा। हमनी के भगवान श्रीकृष्ण के 5251वां जन्मदिन मनावे जा रहल बानी जा। दुनिया में कवनो अइसन देश, धर्म भा संप्रदाय नइखे जवना के मूल एतना पुरान बा।

सीएम योगी आदित्यनाथ एतवार के दिने फेर सपा आ कांग्रेस पर हमला कइलन। कहलन कि जे दुनिया के हर मुद्दा पs मुखर बा, बांग्लादेश के घटना पर मुँह बंद बा, काहे कि वोट बैंक गँवावे के डर बा। एह लोग के फिलिस्तीन लउकत बा बाकिर बांग्लादेश ना, काहे कि ओहिजा मंदिर गिरावल जा रहल बा आ हिन्दू के मारल जात बा।

मुख्यमंत्री एतवार के इहाँ 5251वां श्री कृष्ण जन्मोत्सव के उद्घाटन कइले। संगही, उऽ ब्रज खाती 1037 करोड़ रुपया के 178 विकास परियोजना के उद्घाटन अवुरी शिलान्यास कइले। सीएम कहले कि हमनी के वर्तमान चुनौती के समझे के होई। सनातन धर्म के सामने जवन चुनौती बा उऽ भारत के चुनौती हऽ। भारत के चुनौती सनातन धर्म के बा। दुनु एक दोसरा से अलगा ना हो सके। हमनी के एकजुट रहे के बा। जदि हमनी से गलती हो जाई अवुरी समाज फेर से बंटवारा हो जाई तऽ हालात अउरी खराब हो जाई।

सीएम कहले कि हमनी खाती राष्ट्र सर्वोपरि बा। राष्ट्र के कीमत पs राजनीति ना होई। सात साल पहिले गुंडागर्दी, दंगा, अराजकता, जवाहर बाग के चलते यूपी पs चर्चा भईल रहे, आज रंगोत्सव, जन्मोत्सव, जन्माष्टमी के चलते यूपी पs चर्चा होखता। हमनी के भगवान श्रीकृष्ण के 5251वीं जयंती मनावे जा रहल बानी जा। दुनिया में कवनो अइसन देश, धर्म भा संप्रदाय नइखे जेकर मूल एतना पुरान होखे।