विश्व के सबसे बड़ दूसरका हिंदू मंदिर : एह मंदिर के निर्माण साल 2011 में शुरू भइल आ साल 2023 में पूरा भइल। एह मंदिर के बनावे में 12 साल लागल। एह मंदिर के औपचारिक उद्घाटन से पहिले देश भर से रोज हजारों हिन्दू आ दोसरा धर्म के लोग एहिजा आवेला। लोकप्रिय रूप से अक्षरधाम के नाँव से जानल जाए वाला ई मंदिर 255 फीट x 345 फीट x 191 फीट के बा आ ई 183 एकड़ में फइलल बा।
आधुनिक युग में भारत से बाहर बनल दुनिया के सबसे बड़ हिन्दू मंदिर के उद्घाटन 8 अक्टूबर के न्यू जर्सी में होखे वाला बा। न्यू जर्सी के छोटहन रॉबिन्सविले टाउनशिप में बीएपीएस स्वामीनारायण अक्षरधाम मंदिर न्यूयॉर्क के टाइम्स स्क्वायर से करीब 90 किलोमीटर दक्खिन भा वाशिंगटन डीसी से करीब 289 किमी उत्तर में 12,500 से अधिका स्वयंसेवकन के बनावल बा।
एह हिन्दू मंदिर के बारे में सब कुछ जानीं 10 बात में
•मंदिर के डिजाइन प्राचीन हिन्दू शास्त्र के अनुसार बनावल गइल बा आ एह में प्राचीन भारतीय संस्कृति के डिजाइन बा जेह में 10,000 मूर्ति बा जेमे भारतीय वाद्ययंत्र के नक्काशी आ नृत्य रूप शामिल बा। ई मंदिर शायद अंगकोरवाट के बाद कंबोडिया के दूसरा सबसे बड़ हिन्दू मंदिर बा।
•12वीं सदी के अंगकोरवाट मंदिर परिसर दुनिया के सबसे बड़ हिंदू मंदिर ह। ई मंदिर 500 एकड़ में फइलल बा आ अब यूनेस्को के विश्व धरोहर स्थल बा। नवम्बर 2005 में जनता खातिर खुलल नई दिल्ली के अक्षरधाम मंदिर 100 एकड़ में फइलल बा।
•अक्षरधाम के निर्माण पारंपरिक हिन्दू मंदिर वास्तुकला से भइल बा। एह अनोखा हिंदू मंदिर के डिजाइन में एगो मुख्य मंदिर, 12 गो उप-मंदिर, नौ गो शिखरा (शिखर नियर संरचना), आ नौ गो पिरामिड नियर शिखर बाड़ें। अक्षरधाम में अबतक ले परंपरागत पत्थर के वास्तुकला में बनल सभसे बड़ अंडाकार गुंबद बा।
•एह मंदिर के डिजाइन अइसन बनावल गइल बा कि हजार साल से एकरा के कुछ ना होखे वाला बा।अक्षरधाम के हर पत्थर के कहानी होला। मंदिर बनावे खातिर चुनल गइल चार तरह के पत्थर में चूना पत्थर, गुलाबी बलुआ पत्थर, संगमरमर आ ग्रेनाइट शामिल बा जवन बेहद गर्मी आ ठंडा के सामना कs सकेला।
•एह हिन्दू मंदिर के निर्माण में लगभग 20 लाख घन फीट पत्थर के इस्तेमाल भइल आ दुनिया भर के बिबिध जगहन से ले आवल गइल, जवना में बुल्गारिया आ तुर्की से चूना पत्थर, ग्रीस, तुर्की आ इटली से संगमरमर, भारत आ चीन से ग्रेनाइट, भारत बलुआ पत्थर आ अन्य सजावटी पत्थर सभ के स्रोत यूरोप, एशिया, लैटिन अमेरिका से मिलल बा।
•एह मंदिर के ब्रह्मकुंड में पारंपरिक भारतीय स्टेपवेल बा, जवना में दुनिया भर के 300 से अधिका जलाशयन के पानी बा जवना में भारत के पवित्र नदी आ अमेरिका के सगरी 50 राज्य शामिल बाड़ी सँ। बीएपीएस के टिकाऊ तरीका सभ में सौर पैनल फार्म, फ्लाई ऐश कंक्रीट मिश्रण आ पिछला कुछ दशक में दुनिया भर में 20 लाख से ढेर पेड़ लगावल सामिल बा।
•अक्षरधाम के निर्माण में पूरा अमेरिका के स्वयंसेवक लोग मदद कइले बा। एह लोग के मार्गदर्शन भारत के कारीगर स्वयंसेवक लोग कइले रहे।लाखों स्वयंसेवक अक्षरधाम के निर्माण खातिर घंटो समर्पित कईले बाड़े। पश्चिमी गोलार्ध में हिन्दू संस्कृति आ वास्तुकला के मील के पत्थर मानल जाए वाला अक्षरधाम के औपचारिक उद्घाटन 8 अक्टूबर के बीएपीएस के आध्यात्मिक प्रमुख महंत स्वामी महाराज के मार्गदर्शन में कइल जाई। 18 अक्टूबर से आगंतुकन खातिर खुलल रही।
•बीएपीएस के अधिकारी बतवले कि स्वयंसेवक लाखों घंटा के निस्वार्थ सेवा मंदिर के समर्पित कईले बाड़े। एहमें 18 साल से लेके 60 साल से ऊपर के छात्र, कंपनी के सीईओ, डॉक्टर, इंजीनियर अवुरी आर्किटेक्ट शामिल बाड़े। एहमें से बहुते लोग महीना भर काम से छुट्टी ले के निर्माण स्थल के लगे कमरा किराया पर ले के मंदिर निर्माण में आपन सेवा स्वयंसेवा कइले बा।
•बीएपीएस स्वामीनारायण संस्था के अक्षरवत्सलदास स्वामी स्वामी एगो साक्षात्कार में पीटीआई से कहले कि हमनी के आध्यात्मिक नेता (प्रमुख स्वामी महाराज) के विजन इ रहे कि पश्चिमी गोलार्ध में अयीसन जगह होखे जवन कि सिर्फ हिन्दू के ना बालुक दुनिया के सभ लोग खातीर जगह होखे। , खाली भारतीयन खातिर ना, खाली कुछ खास समूह के लोग खातिर ना; पूरा दुनिया खातिर अइसन होखे के चाहीं। जहाँ लोग आके कुछ मूल्य सीख सकेला, हिन्दू परंपरा में आधारित सार्वभौमिक मूल्य।
