बजट के असर लउकत बा! आईफोन सस्ता हो गइल, एप्पल ई 7 मॉडल के दाम कम कs देलस

बजट 2024 में भइल बहुत बड़ घोषणा के बीच मोबाइल कस्टम ड्यूटी कम करे के बारे में भी चर्चा भइल। एकरा बाद अब एप्पल अपना कुछ आईफोन मॉडल के दाम में बहुत कटौती कइले बिया।

हाइलाइट 

•  छूट के बाद अब आईफोन 15 PRO 1,29,800 रुपया में उपलब्ध बा।
•  आईफोन 15 प्लस मॉडल के दाम में भी तनिका कमी आइल बा।
•  छूट के बाद अब आईफोन SE 47,600 रुपया में उपलब्ध करावल जाता

केंद्रीय वित्त मंत्री निर्मला सीतारमण बजट (बजट 2024) में बहुत बड़ घोषणा कइले बाड़ी। एहमें इहो शामिल बा कि सरकार मोबाइल फोन आ चार्जर पर कस्टम ड्यूटी कम कर दिहले बिया । सरकार मोबाइल आ चार्जर पS लागल कस्टम ड्यूटी 20% से घटा के 15% कS देले बिया। मतलब कि अब मोबाइल फोन आ चार्जर खरीदला पसे 5% कम पईसा देवे के होई। ई घोषणा के बाद एप्पल अपना आईफोन के दाम में बहुत कटौती कइले बिया। वेबसाइट मनीकंट्रोल एप्पल के ऑनलाइन स्टोर पs ए दाम के पुष्टि कइले बिया आ ओकरा पता चलल बा कि आधिकारिक तौर पs ए दाम में कमी आइल बा।

जान जाई कि पहिला बेर एप्पल नयका आईफोन मॉडल के लॉन्च से कुछ महीना पहिले दाम में कटौती कइले बा, जवन कि सितंबर 2024 में होखे के उम्मीद बा।

एप्पल आईफोन 15 PRO के शुरुआती दाम 1,34,900 रुपया आ आईफोन 15 PRO मैक्स के शुरुआती कीमत 1,59,900 रुपया से लॉन्च कइल गइल।बाकी छूट के बाद अब आईफोन 15 PRO 1,29,800 रुपया में आ आईफोन 15 PRO MAX 1,54,000 रुपया में उपलब्ध करावल जाता। आईफोन 15 प्रो के दाम में 5,100 रुपया के कमी कइल गइल बा, जबकि आईफोन 15 प्रो मैक्स के दाम में 5,900 रुपया के कमी कइल गइल बा।

दूसर ओर हमनी के बता दीं कि ‘वेनिला’ आईफोन 15 अवरू आईफोन 15 प्लस मॉडल के दाम में भी तनिका कमी आइल बा। आईफोन 15 आ आईफोन 15 प्लस के दाम में मात्र 300 रुपया के कमी आइल बा आ अब इ क्रमशः 79,600 आ 89,600 रुपया में उपलब्ध बा।

एप्पल आईफोन 13 आ आईफोन 14 के दाम में 300 रुपया के तनिका कमी आइल बा। सस्ती आईफोन एसई के दाम में 2300 रुपया के कमी कइल गइल बा।

एकरा अलावे अब आईफोन एसई के 47,600 रुपया में उपलब्ध करावल जाता आ एकरा से पहिले एकर दाम 49,900 रुपया रहे। एप्पल आईफोन 13 59,600 रुपया आ आईफोन 14 69,600 रुपया में बिकाता।

9089900cookie-checkबजट के असर लउकत बा! आईफोन सस्ता हो गइल, एप्पल ई 7 मॉडल के दाम कम कs देलसno