नई दिल्ली : संसद के बजट सत्र के दूसरका चरण के दौरान मंगर के राज्यसभा में जमके हंगामा भइल। दरअसल, कांग्रेस के वरिष्ठ नेता मल्लिकार्जुन खरगे उपसभापति हरिवंश के कुछ अइसन कह देलें, जवना के लेके जमके हंगामा भइल। एकरा खातिर भाजपा उनका पs जमके निशाना सधलस आ माफी के मांग कइलें। ममिला बढ़त देख मल्लिकार्जुन खरगे माफियो मांग लेलस। ऊ हाथ जोड़के सफाई देलें। ऊ आसन के संबोधित करत कहलें कि रउआ के ना, सरकार के ठोकेम सs। हमनी के सरकार के बात करत रहनी सs।
का बा ममिला?
दरअसल, राज्यसभा के कार्यवाही चलत रहल रहे। एह दौरान नेता प्रतिपक्ष कुछ बोलल चाहत रहस। तबे उपसभापति उनका के रोकलें। उपसभापति उनका जगे कांग्रेस सांसद दिग्विजय सिंह के बोले के कहलें। एह बीच मल्लिकार्जुन खरगे अपना सीट से उठलें आ बोलल सुरू कs दिहल। जब उनका के रोकल गइल तs ऊ तानाशाही के आरोप लगा देलस। ऊ सीधे आसन के ओर इशारा करत कहलें कि तानाशाही चल रहल। हम बोलल चाहत बानी। एकर तइयारियो कइलें बानी सs आ का-का ठोके के बा, ठीक से ठोकेम सs। एकरा पs उपसभापति आपत्ति जतवलें। ऊ कहलें कि रउआ सत्ता पक्ष से बहस करीं। एह बीच हंगामा सुरू हो गइल। एह बीच खरगे यूटर्न लेत कहलें कि सरकार के ठोकेम सs। केंद्रीय मंत्री जेपी नड्डा खरगे के बयान के सदन के अपमान करार दिहल।
जेपी नड्डा सुनवलें खरीखोटी
केंद्रीय मंत्री नड्डा ममिला में खरगे के खूब खरीखोटी सुनवलें। ऊ कहलें कि बहुते दुख के बात बा कि विपक्ष के नेता अइसन भाषा इस्तेमाल कइलें। अइसन शब्दन के इस्तेमाल आसन खातिर कइलें। ऊ अनुभवी बाड़ें आ लमहर समय तक संसदीय सदस्य के रूप में काम कइलें बाड़ें। ऊ राज्य में काम कइले बाड़ें आ राष्ट्रीय राजनीति में काम कइले बाड़ें। ऊ जवना भाषा के उपयोग कइलें बाड़ें, ऊ सदन के अपमान बा, आसन के अपमान बा। ई निंदनीय बा। उनका के माफी मांगे के चाहीं। आसन खातिर इस्तेमाल शब्द माफी जोग नइखे। ई अस्वीकार्य बा। फेर कांग्रेस नेता के माफी मांगे के चाहीं। अपना शब्दन के वापस लेवे चाहीं। एकरा के कार्यवाही से हटा देवे के चाहीं।
Read Also: भारत-मॉरीशस संबंधन में भोजपुरी बनल सांस्कृतिक सेतु
