छपरा : नगर निगम में 12 मार्च के होखे वाली आठ सैरात के बंदोबस्ती टल गइल बा। नगर आयुक्त पत्र जारी कs के नया तारीख के घोषणा कइले बाड़ें। अब ई बंदोबस्ती 24 मार्च के होई। ई वित्तीय वर्ष 2025-26 खातिर बा।
अवधि 1 अप्रैल 2025 से 31 मार्च 2026 तक रही। जदि 24 मार्च के बंदोबस्ती ना हो पावेला, तs 26 मार्च के दूसरा मवका दिहल जाई। अंतिम मवका 28 मार्च के होई।
आठ सैरातन में गुदरी बाजार चुंगी आ सरकारी बाजार प्रमुख बा। संगही बैलगाड़ी आ ट्रैक्टर से भूसा आउर लकड़ी चुंगी सामिल बा। मवेशी बद्धगृह करीम चक, नंदन पथ पार्किंग स्थल आ सलेमपुर सिविल कोर्ट पार्किंग स्थल के बंदोबस्ती होई।
पिछिला विज्ञापन रद्द
नगर आयुक्त के अनुसार पिछला विज्ञापन रद्द कs दिहल गइल बा। सभे आठ सैरातन खातिर नया सिरा से मैपिंग आ समीक्षा कइल गइल बा। नया बंदोबस्ती हलखातिर जनसंपर्क विभाग के विज्ञापन प्रकाशन के निरदेस दे दिहल गइल बा।
Read Also: Deoria News: कौशांबी में डबल मर्डर के रहे आरोपी, हत्या कs के भागे के फिराक में रहे; RPF-GRP पकड़लस
