Encounter: तेलंगाना में पुलिस के बड़ सफलता, मुठभेड़ में सात माओवादी ढेर, शीर्ष कमांडर के मारल गइला के दावा

Anurag Ranjan
माओवाद (सांकेतिक) - फोटो : एएनआई

तेलंगाना पुलिस बड़ सफलता हासिल करत सात माओवादियन के एगो मुठभेड़ में ढेर कs देले बिया। ई मुठभेड़ मुलुगु जिला के एतुरागारम के जंगलन में भइल। मुलुगु के एसपी डॉ. सबारिश ई जानकारी देलें। पुलिस माओवादियन के कब्जा से बड़ मात्रा में हथियार आ गोला-बारूद बरामद कइले बिया।

माओवादियन के शीर्ष कमांडर के मारल गइला के खबर

पुलिस बतवलस कि तेलंगाना पुलिस आ माओवादियन के बीच मुठभेड़ मुलुगु जिला के एतुरंगारम मंडल के चलपाका इलाका के जंगलन अतवार के सबेरे भइल। एह मुठभेड़ में येलांदु-नरसमपेट इलाका के कमेटी के कमांडर बदरु उर्फ पापन्ना के मारल गइला के खबर बा। हालांकि अभी ले एकर आधिकारिक पुष्टि नइखे भइल। एह मुठभेड़ के लेके अभी ले पुलिस प्रशासन के ओर से कवनो बयान जारी नइखे कइल गइल।

एकरा पहिले सितंबरो महीना में तेलंगाना पुलिस आ माओवादियन के बीच तेलंगाना के भद्राद्री के कोठागुडेम इलाका में मुठभेड़ भइल रहे, जेमे छव माओवादी मारल गइल रहs सs आ दुगो पुलिसकर्मी घायल भइल रहे लो। मारल गइल माओवादियन में एगो महिला सामिल रहे।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।