टेक्नो अपना ऑफिशियल ट्विटर हैंडल से tecno POP 7 Pro के भारत में लॉन्च के डेट पक्का कई देले बा। कंपनी के ओर से ई स्पष्ट रूप से ट्विटर पs लिखाइल बा की फोन के कल्हे (16 फरवरी 2023 ) के भारत में लॉन्च कईल जाई।

Tecno POP 7 Pro : टेक्नो पॉप 7 प्रो के भारत में लॉन्च डेट कंफर्म हो चुकल बा . फोन के हालही में ग्लोबल मार्केट में उतारल गइल रहे, जवना के बादे से यूजर्स  लोग बड़ा बेसब्री से एह फोन के भारत के मार्केट में आवे के इंतजार करतs रहले । अब कंपनी आखिरकार एह टेक्नो पॉप 7 प्रो के इंडिया लॉन्च डेटो कंफर्म कई देले बिया। ई एगो  बजट स्मार्टफोन होई । एकर मतलब  ई  कि रवा के शानदार फीचर्स खातिर बेसी पईसा खरच करे के जरूरत ना परी । फोन में 5000mAh के बैटरी दीहल जा रहल बा । एकरा संगही,  फोन MediaTek Helio A22 प्रोसेसर के संगे आई । आई एह फोन के कुल्ही  डिटेल आ कीमत पs नज़र  डालल  जाए।

Tecno POP 7 Pro के लॉन्च डेट अउर कीमत

 

टेक्नो  अपना ऑफिशियल Twitter हैंडल से Tecno POP 7 Pro के भारत में लॉन्च डेट कंफर्म कईले बिया ।कंपनी के ओर से ई स्पष्ट रूप से ट्विटर पs लिखाइल बा की फोन के कल्हे (16 फरवरी 2023 ) के भारत में लॉन्च कईल जाई । सुरुआते में हमनी के बतवनी हs कि फोन पहिलहिं  ग्लोबल मार्केट में पेश कइल जा चुकल बा । ग्लोबल मार्केट में फोन के दाम NGR 64,000 (लगभग 11,477 रुपया) बा । भारतो में एकर कीमत 11,000 से 12,000 रुपया के बीच हो सकत बा । एकरा अलावा, भारतीय वेरिएंट के स्पेसिफिकेशनो ग्लोबल वेरिएंट के लेखा ही हो सकत बा ।

Explore possibilities, unlock new doors of opportunities, and achieve more with the multitasker TECNO POP 7 Pro

Launching in just 2 days.

Stay Tuned!#TECNO #TECNOSmartphones #TECNOPOP7Pro pic.twitter.com/JmvB5GaHfR

— TECNO Mobile India (@TecnoMobileInd) February 14, 2023