पश्चिम बंगाल के उत्तर 24 परगना जिला के संदेसाली में सुक (5 जनवरी) के प्रवर्तन निदेशालय (ईडी) के एगो टीम पs हमला भईल। कथित राशन वितरण घोटाला के सिलसिला में ईडी टीम कई जगहा छापामारी करे गईल रहे। जब ईडी टीम छापामारी करे टीएमसी नेता शाहजहां शेख के घरे पहुंचल रहे तs ओह लोग पs हमला हो गइल। स्थानीय लोग अवुरी टीएमसी के कर्मचारी ईडी अवुरी सीआईएसएफ पs हमला कईले।
भीड़ ईडी अधिकारी आ सीआईएसएफ के गाड़ी के भी निशाना बनवलस। मिलल जानकारी के मुताबिक 200 से जादे लोग के भीड़ अधिकारी अवुरी सीआईएसएफ के जवान के घेराबंदी कs देलस। सीआईएसएफ सुरक्षा देवे खातिर ईडी अधिकारी के संगे रहेs। भीड़ सरकारी अधिकारी के गाड़ी में तोड़फोड़ भी कईलस। अबे ले केहु के घाही होखे के कवनो जानकारी नईखे मिलल। भाजपा एह घटना से नाराजगी जतवले बिया।
#WATCH | North 24 Parganas, West Bengal: A team of the Enforcement Directorate (ED) attacked during a raid in West Bengal's Sandeshkhali.
More details are awaited pic.twitter.com/Rfu6wounaV
— ANI (@ANI) January 5, 2024
भाजपा कानून व्यवस्था पs सवाल उठवलस
ईडी टीम पs भईल हमला के बारे में भाजपा के पश्चिम बंगाल इकाई के प्रमुख सुकंता मजुमदार कहले कि इs घटना बतावता कि रोहिंग्या राज्य के कानून व्यवस्था के स्थिति के का कs सकतारे। उ कहले कि, ‘ए सभके खिलाफ भ्रष्टाचार के शिकायत अवुरी आरोप बा। स्वाभाविक बा कि प्रवर्तन निदेशालय कार्रवाई करी। एह हमला से पता चलत बा कि रोहिंग्या राज्य में कानून व्यवस्था के का कs रहल बाड़े।
बोनगांव के पूर्व चेयरमैन पs छापा
फिलहाल ईडी के अधिकारी बोनगांव के अध्यक्ष रहल शंकर आद्य के ससुर अवुरी टीएमसी के नेता बिजॉय कुमार घोष के घर पs छापामारी शुरू कs देले बाड़े। शंकर आदर्श के कर्मचारी अंजन मालाकर अवुरी विश्वजीत घोष के घर पs भी इडी टीम छापामारी कईले बिया। शंकर आद्या के भाई के आइसक्रीम फैक्ट्री में भी छापामारी भईल बा। सिथी मोड़ स्थित प्रमोटर गोपाल बनिक के घर पs भी ईडी छापामारी शुरू कs दिहले बा।
