सुप्रीम कोर्ट एह बात पर जोर दिहले बा कि गर्मी के छुट्टी का दौरान होखे वाला सुनवाई में अधिवक्ता लोग अदालत में मौजूद रहे आ आपन दलील पेश करे. एकरा संगे-संगे कोर्ट अयीसन कुछ मामला के सुनवाई स्थगित क देलस, जवना में वकील वीडियो कॉन्फ्रेंस के माध्यम से पेश भईल रहले।
जस्टिस अजय रस्तोगी अउर जस्टिस बी. वी. नगरथना के एगो वेकेशन बेंच के कहनाम बा कि, जज लोग रोजाना कोर्ट के दौरा करतारे अवुरी इ उचित होई कि अधिवक्ता भी अदालत में आके ए मामला में आपन दलील पेश करीहे। पीठ कहलस कि, “हमनी के रोज कोर्ट में आवत बानी। आप भी आके आपन दलील पेश क सकतानी। हमनी के कोर्टरूम में मौजूद अधिवक्ता के जांच करब।”
अदालत में पेश होके तर्क पेश करे के निर्देश
पहिला, पीठ डिजिटल तरीका से पेश होखे वाला वरिष्ठ अधिवक्ता मुकुल रोहतगी के निहोरा के ठुकरा दिहलस कि ए मामला के जल्दी सुनवाई होखे। कोर्ट उनुका से चैंबर में हाजिर होखे अवुरी आपन दलील पेश करे के कहलस।
पीठ कहलस कि जब आप कोर्टरूम में नईखी त हम आपके ओर ध्यान काहें दी। छुट्टी के दौरान अवुरी अधिवक्ता इहाँ बाड़े। एकरा बाद रोहतगी मामला के काल्ह तक टार देवे के निहोरा कईले अवरू कहले कि उ काल्ह चैंबर में हाजिर होके दलील दिहे।