एह साल के आखिर में होखे वाला विधानसभा चुनाव से पहिले बिहार में राजनीति तेज हो गइल बा. एही बीच पटना में लालू यादव के आवास के बहरी एगो अनोखा पोस्टर देखाई देलस। ई पोस्ट में लिखल बा, ना हम प्रणाम कइले बानी ना प्रणाम करब, बाघ अबहीं जिंदा बा। बता दीं कि बिहार में होखे वाला विधानसभा चुनाव से पहिले बहुत घटना देखाई देता। दरअसल, बुध के ईडी लालू यादव के लैंड फॉर जॉब मामला में पूछताछ खातीर ईडी कार्यालय में बोलवले रहले। एs दौरान लालू यादव अपना बेटी मीसा भारती के संगे ईडी कार्यालय पहुंचले, जहां ईडी उनुका से पूछताछ कईले।
”लैंड फॉर जॉब’ घोटाला का होला?
असल में लालू प्रसाद यादव 2004 से 2009 ले यूपीए 1 सरकार में रेल मंत्री रहले। एह दौरान जब लालू सत्ता में रहले तs ग्रुप डी के बहाली रेलवे में होखत रहे। लालू पs एs बहाली में धांधली करे के आरोप बा। असल में लालू यादव पs आरोप बा कि उs लोग के नौकरी देवे के बदला में घूस के रूप में लोग से जमीन ले लेले। ईडी चार्जशीट के मुताबिक 7 जगह लालू परिवार के जमीन मिलल बा। लालू परिवार प 600 करोड़ रुपया के मनी लांड्रिंग के आरोप बा। बता दीं कि ई पूरा घोटाला खाली रेलवे बहाली से जुड़ल बा. एs मामला में लालू के संगे उनुका परिवार के बाकी लोग के खिलाफ सीबीआई के ओर से मामला दर्ज भईल बा। लालू पs आरोप बा कि उs अपना परिवार के लोग के नाम पs नौकरी के बदला में लोग से जमीन घूस लेत रहले। लालू पs इहो आरोप बा कि जब उs रेल मंत्री रहले तs बिना कवनो विज्ञापन जारी कईले रेलवे में ग्रुप डी के नौकरी खातीर बहुत लोग के भर्ती कईले रहले।
नौकरी के बदले जमीन ले लिहले
सीबीआई के मुताबिक, लालू यादव जब रेल मंत्री रहले तs रेलवे में नौकरी देवे वाला लोग से जमीन घूस के रूप में लेले रहले, जवन कि परिवार के बाकी सदस्य के नाम पs होखेला। लालू पत्नी राबड़ी, बेटी मीसा समेत परिवार के बहुत लोग के नाम पs इs साजिश लेले। सीबीआई के मुताबिक, नौकरी देवे के बदला लालू 12 लोग से 7 प्लाट सस्ता में चाहे बिना पईसा देले हासिल कईले। लालू पs आरोप बा कि एs घोटाला में उs सिर्फ बिहार के जनता के नौकरी देले अवुरी करीब 4 करोड़ के जमीन उनुका नाम पs मात्र 26 लाख रुपया में मिल गईल। एs मामला में लालू के परिवार के कुल 5 सदस्य के आरोपी बनावल गईल बा, जवना में लालू यादव, राबड़ी देवी, तेजस्वी यादव, मीसा भारती अवुरी हेमा यादव शामिल बाड़े।
इहो पढ़ी: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
