आप नेता मनीष सिसोदिया आरोप लगवलें कि भाजपा सूरत(पूर्व) से हमनीके उम्मीदवार कंचल जरीवाला के अगवा कs लिहल गइल रहे। ऊ आखिरी बार काल्ह आरओ ऑफिस में देखल गइल रहनें।
सिसोदिया मीडिया के सोझे कहनें कि भाजपा आप उम्मीदवार के नामांकन खारिज करवावे के कोशिश करत रहनें। सिसोदिया बतवलें 500 से ज्यादा पुलिस वाले जबरन कंचन जरीवाला के रिटर्निंग ऑफिसर के दफ्तर लेकर पहुंचनें अउर ओपर नामांकन वापस लेहले के दबाव बनावल गइल। सिसोदिया कहनें, जौन कुछ हो रहल बा कि ऊ चुनाव आयोग पर सवाल खड़ा करsला। ऊ कहनें, हम चुनाव आयुक्त से मिलले के समय मंगले बानीं।
धरना पर बइठलें सिसोदिया
एह बीच मनीष सिसोदिया चुनाव आयोग के दफ्तर पहुंच गइल बा। जानकारी के मुताबिक, कार्रवाई के मांग के ले के ऊ धरना पर बइठ गइल बानें। सिसोदिया ट्वीट कs के कहनें, कैंडिडेट के अपहरण हो गइल बा। गनप्वाइंट पर उनकर नामांकन वापस करावल गइल। चुनाव आयोग खातिर एसे बड़ एमेरजेंसी का हो सकSता? एहीलिए तुरंत एक्शन के प्रार्थना ले के हम लोग केंद्रीय चुनाव आयोग के दरवाजा पर आइल रहनें