दू बेर के ओलंपिक पदक विजेता भारत के पीवी सिंधू अउर किदांबी श्रीकांत गुरुवार के कोरिया ओपन सुपर बैडमिंटन टूर्नामेंट के क्वार्टर फाइनल के टिकट कटा लेहनें लोग। सातवाँ नम्बर के खिलाड़ी सिंधु 26वें नम्बर के जापान के आया ओहोरी कि 37 मिनट में 21-15, 21-10 से हरवली।
विश्व चैंपियनशिप के रजत विजेता श्रीकांत इजराइल के मिशा जिल्बरमैन के 33 मिनट में 21-18, 21-6 से हरवनें। श्रीकांत के सामना अब स्थानीय दावेदार सोन वान से होई।
सिंधु के टक्कर बुसानन से
सिंधु के ई ओहोरी के ख़िलाफ़ लगातार बारहवीं जीत बा। स्विस ओपन के चैंपियन तिसरकी वरीय सिंधु के अगिला दौर में थाईलैंड के बुसानन ओंगबामरुंगफान से सामना होई। पहिलहू सिंधु बुसानन के ख़िलाफ़ 17 मैच खेलले बाड़ी जेमे बस ऊ एक्के मैच हारल बाड़ी, बाकी 16 में ओनके जीत मिलल बा।