SHS Bihar CHO Admit Card 2024: राज्य स्वास्थ्य सोसायटी (SHS), बिहार के ओर से सामुदायिक स्वास्थ्य अधिकारी के 4,500 पदन पs भरती खातिर एह सरकारी परीक्षा के आयोजन 1 आ 2 दिसंबर के कइल जाई। एह परीक्षा खातिर पंजीकृत उम्मीदवारन के प्रवेश पत्र जारी कs दिहल गइल बा । जे केहु उम्मीदवार एह भरती खातिर आवेदन कइले रहे, ऊ आधिकारिक वेबसाइट shs.bihar.gov.in. पs जाके आपन प्रवेश पत्र डाउनलोड कs सकत बा लो।
इहो पढ़ीं: एनजीटी के आरोप- अधिकरण के काम में बाधा डाल रहल बा पर्यावरण मंत्रालय
परीक्षा में सामिल होखे खातिर उम्मीदवारन के एडमिट कार्ड डाउनलोड करे के होई, काहेकि परीक्षा के दिन खातिर ई महत्वपूर्ण दस्तावेज बा। एमे आवश्यक जानकारी जइसे परीक्षा तिथि, परीक्षा समय, परीक्षा केंद्र, रोल नंबर आ उम्मीदवार के जानकारी सामिल होई।
Bihar CHO Vacancy: रिक्ति विवरण
एह भरती अभियान के तहत अनुबंध के आधार पs सामुदायिक स्वास्थ्य अधिकारी के 4500 पदन के भरल जाये के बा। श्रेणीवार रिक्ति विवरण एह तरे बा:-
| वर्ग | सीट |
| सामान्य | 979 |
| इडब्लूएस | 245 |
| एससी | 1243 |
| एसटी | 55 |
| ईबीसी | 1170 |
| बीसी | 640 |
| डब्लूबीसी | 160 |
Bihar CHO Recruitment: सैलरी
चयनित उम्मीदवारन के 40,000 रुपिया महीना के वेतन दिहल जाई। एमे से 32,000 रुपिया हर महीना निश्चित पारिश्रमिक के रूप में स्वीकार्य बा आ बाकी 8,000 रुपिया प्रदर्शन से जुड़ल भुगतान के रूप में भुगतान कइल जाई।
बिहार सीएचओ परीक्षा पैटर्न
बिहार सीएचओ परीक्षा में सामिल होखे वाला उम्मीदवार के परीक्षा पैटर्न से अच्छा तरे परिचित होखे के चाहीं। ई भर्ती परीक्षा एगो कंप्यूटर आधारित परीक्षा होई, जेमे वस्तुनिष्ठ प्रकार के प्रश्न होई।
- परीक्षा के अवधि 2 घंटा के होई, जेमे कुल 50 प्रश्न होई आ कुल 100 अंक रही।
- _उम्मीदवारन के परीक्षा में कम से कम 30% अंक प्राप्त करे के होई।
बिहार सीएचओ एडमिट कार्ड अइसे डाउनलोड करीं
बिहार सीएचओ एडमिट कार्ड 2024 के डाउनलोड करे खातिर नीचे दिहल गइल चरणन के पालन करे के होई:
- एसएचएस बिहार के आधिकारिक वेबसाइट shs.bihar.gov.in. पs जाके सुरुआत करीं।
- होमपेज पs रउआ बिहार सीएचओ एडमिट कार्ड 2024 के लिंक मिली।
- लिंक पs क्लिक करे के बाद, एगो लॉगिन पेज दिखाई दी। जहां रउआ लॉगिन विवरण जइसे कि उपयोगकर्ता नाम आ पासवर्ड दर्ज करे के होई ।
- लॉगिन विवरण प्रदान कइला के बाद, रउआ बिहार CHO एडमिट कार्ड स्क्रीन पs दिखाई दी।
- भविष्य के संदर्भ के खातिर बिहार सीएचओ एडमिट कार्ड डाउनलोड करीं।
