श्रावस्ती जिला के भिनगा में स्थित पंडित दीनदयाल उपाध्याय राजकीय आश्रम पद्धति बालिका विद्यालय भयापुरवा के बालिका छात्रा हनुमान चालीसा के पाठ से अपना दिन की शुरुआत करेली।
स्कूल में रोज प्रार्थना में हनुमान चालीसा के पाठ होला। एही तरे बालिका छात्रा भी शाम के पूजा आरती करेले।
स्कूल के प्राचार्य कादंबनी सिंह के कहनाम बा कि आवासीय स्कूल होखला के नाते लईकिन के घर निहन माहौल देवे के प्रयास कईल जाता। शिक्षा के साथे भारतीय संस्कृति, सभ्यता आ मूल्यन से परिचित करावल जाला आ ओह लोग के चौतरफा विकास खातिर निर्धारित व्यायाम के अभ्यास करावल जाला। एकरा संगे गुड बैड टच के बारे में जानकारी के संगे सेल्फ डिफेंस के ट्रेनिंग भी दिहल जाता।
