गर्मी में लोग अक्सर अपना शरीर के ठंडा करे खातिर नींबू पानी पीयेले। का रउवा भी नींबू पानी पीयल पसंद करेनी? नींबू पानी स्वास्थ्य खातिर फायदेमंद होखेला। बाकिर कुछ लोग के नींबू पानी के सेवन से बचे के चाही ना तs एकर नकारात्मक असर उनुका स्वास्थ्य पs पड़ सकता। आईं नींबू पानी पीये के कुछ दुष्प्रभाव के बारे में भी जानकारी लेवे के चाही।
किडनी स्टोन के मरीज सावधान रहीं
स्वास्थ्य विशेषज्ञ अक्सर किडनी में पत्थर के स्टोन के नींबू पानी से बचे के सलाह देवेले। बता दीं कि नींबू पानी में ऑक्सालेट होला। किडनी स्टोन के मरीज के उच्च ऑक्सालेट वाला चीज़ के सेवन से बचे के चाही। अगर आप अक्सर जादा नींबू पानी पीयत बानी तs किडनी में पथरी होखे के संभावना भी बढ़ सकता।
दाँत खातिर हानिकारक होला
नींबू अम्लीय प्रकृति के होखेला अवुरी इहे कारण बा कि नींबू के पानी के जादा सेवन से दांत के स्वास्थ्य के नुकसान हो सकता। अगर रउरा दांत में झुनझुनी भा संवेदनशीलता महसूस होखे तs नींबू के पानी ना पीये के चाहीं ना तs दाँत से जुड़ल ई समस्या बढ़ सकेला. अगर आप अपना दांत के स्वास्थ्य के मजबूत राखल चाहतानी तs नींबू के पानी के सेवन सीमा के भीतर करे के चाही।
एसिडिटी के समस्या बढ़ सकेला
अगर आप एसिडिटी से पीड़ित बानी तs नींबू के पानी ना पीये के चाही ना तs आपके समस्या बढ़ सकता। रउरा जानकारी खातिर हमनी के बता दीं कि नींबू के पानी में साइट्रिक एसिड होखेला जवना से पेट में एसिडिटी अवुरी नाराज़गी जईसन समस्या हो सकता। एहसे अम्लीयता के दौरान नींबू के पानी पिए पs रोक बा।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
