सरकार कर्मचारी भविष्य निधि संगठन (ईपीएफओ) के लमसम पांच करोड़ अंशधारकन के बरिस 2021-2022 खातिर भविष्य निधि जमा पs 8.1 प्रतिशत ब्याज दर देवे के मंजूरी दे देले बिया। चार दशकन में ई सबसे कम ब्याज दर हs।
मार्च में केंद्रीय न्यासी बोर्ड (सीबीटी) ब्याज दर 8.5 % से घटा के 8.1% करे के निर्णय कइले रहे। सरकार से मंजूरी मिलला के बाद ईपीएफओ अब कर्मचारियन के खातन में ब्याज के राशि डालल शुरू करी। सीबीटी में कर्मचारियन के प्रतिनिधित्व करे वाला न्यासी केई रघुनाथन कहले, एह लोगन के बच्चन के शिक्षा आ आउर जरुरतन के पूरा करे में मदद मिली।
पिछला बरिसन में ब्याज दर
2019-2020 8.5%
2018-2019 8.65%
2017-2018 8.5%
2016-2017 8.65 %
2015-2016 8.55%
