90 के दशक में धूम मचा के ‘शक्तिमान’ सुपरहीरो से सबके सुपर टीचर बन गईले। लइका से लेके बड़ लोग तक मुकेश खन्ना के किरदार एतना पसंद बा कि आजुओ लोग उनुका धारावाहिक के बारे में बतियावत रहेला.1997 से 2005 ले टीवी पs राज करे वाला ई महान शो अतवार के दिने दुपहरिया बारह बजे देखावल जात रहे. एही कारण से एकरा के दूरदर्शन के सबसे कल्ट शो मानल जाला। अब एक बेर फेरु जनता के बीच ‘शक्तिमान’ चर्चा में आ गईल बा। देश के पसंदीदा सुपरहीरो मुकेश खन्ना एह लोकप्रिय शो से वापसी करे वाला बाड़न.
शक्तिमान के विस्फोटक वापसी
मुकेश खन्ना अपना सोशल मीडिया पs प्रशंसकन के एगो बढ़िया खबर दिहले बाड़न आ अपना आधिकारिक यूट्यूब चैनल चैनल भीष्म इंटरनेशनल पs एगो टीजर भी शेयर कइले बाड़न. टीजर के संगे उs लिखले कि, ‘उनुका वापसी के समय आ गईल बा। हमनी के पहिला भारतीय सुपर टीचर-सुपर हीरो के। हॅंं! जइसे-जइसे आज के लइकन पs अन्हार आ बुराई अपना कब्जा में ले लेले बा. ओह लोग के वापसी के समय आ गइल बा। उs एगो संदेश लेके लवटल बाड़े। उs एगो सबक लेके लवटल बाड़े। आज के पीढ़ी खातिर। इनकर स्वागत बा। ”
शक्तिमान देश के वीर कहानी सुनईहे
आयरन मैन, स्पाइडर मैन आ बैटमैन जइसन सुपरहीरो भारत में लोकप्रिय होखे से पहिले एगो सुपरहीरो रहले जेकरा के कबो भुला ना जा सकत रहे आ उनकर नाम हs शक्तिमान. ई नायक एक बेर फेरु परदा पs रोमांचक वापसी करे वाला बाड़न. एह क्लिप में मुकेश के शक्तिमान के भूमिका बा. ऊ एगो स्कूल परिसर में उतरत लउकत बाड़न जहाँ ऊ गावे लागेलें, ‘आजादी के दीवानों ने जंग लड़ी फिर जाने दी, अंग अंग कट गए मगर अंच वतन पर न आने दी…’ ऊ चंद्रशेखर आजाद, भगत सिंह आ सुभाष चंद्र बोस जइसन नायक के तस्वीर देखत ई गीत गावत बाड़े.
