Realme P1 5G के लॉन्च से पहिले सेल ऑफर के खुलासा,जानी रउवा केतना हजार के छूट मिली

Raj Nandani

रियलमी P1 5G सेल ऑफर : रियलमी जल्दिए भारतीय बाजार में दुगो नाया स्मार्टफोन लॉन्च करे वाला बा, जवन कि आकर्षक फीचर के संगे आई। ए स्मार्टफोन के लॉन्च होखे से पहिले भी कंपनी लॉन्चिंग ऑफर के घोषणा कइले बिया। रियलमी पी1 5जी के अर्ली बर्ड सेल ऑफर जारी हो गइल बा। इ फोन फ्लिपकार्ट अवरू रियलमे के आधिकारिक वेबसाइट प बिक्री खातीर शुरू होई।

रियलमी जल्दिए भारतीय बाजार में नाया डिवाइस लॉन्च करे वाला बा। कंपनी भारत में आपन पी सीरीज लेके आवत बिया जवना में दुगो हैंडसेट रियलमी पी 1 अवरू रियलमी पी 1 प्रो होई। दुनो फोन भारत में 5जी सपोर्ट के संगे लॉन्च होई। इ हैंडसेट 15 अप्रैल के भारत में लॉन्च कइल जाता।

लॉन्च होखे से पहिले कंपनी रियलमी पी1 5जी के अर्ली बर्ड सेल ऑफर के घोषणा कइले बिया। ए दुनो स्मार्टफोन के संगे-संगे कंपनी रियलमे पैड 2 अवरू रियलमे बड्स टी110 के वाई-फाई वेरिएंट भी लॉन्च करतिया। एह फोन प उपलब्ध ऑफर के डिटेल बताईं।

अर्ली बर्ड सेल के ऑफर का बा?

Realme P1 5G के अर्ली बर्ड सेल 15 अप्रैल के होई यानी एकर बिक्री ओही दिन होई जवना दिन एकर लॉन्चिंग डे होई। ई बिक्री साँझ छह बजे से शुरू होखी आ रात आठ बजे ले चली । इ फोन आप Flipkart आ रियलमे डॉट कॉम दुनो प्लेटफॉर्म से खरीद सकतानी। अर्ली बर्ड सेल ऑफर के तहत उपभोक्ता के 2000 रुपया के कूपन छूट मिली।

Share This Article
Follow:
एगो भोजपुरिया चित्रकार, लेखिका आ भोजपुरी नवहा जेकर तन-मन अपना माई भाखा खातिर समर्पित बा। खबर भोजपुरी के पाठकन खातिर हम एहिजा देस-दुनिया, सिनेमा, राजनीति, स्वास्थ आ भोजपुरिया क्षेत्र के खबर रउआ सभे खातिर लेके आवेनी। रउआ सभे हमरा से rajnandani0021@gmail.com पs संपर्क कs सकेनी।