युवा लोग के बीच बहुत लोकप्रिय रॉयल एनफील्ड के बाइक हंटर एगो नाया लुक के संगे भारतीय सड़क पs उतरे खातीर तैयार बिया। कंपनी से मिलल जानकारी के मुताबिक, इs नाया हंटर 26 अप्रैल के लॉन्च होई, हमनी के बता दी कि रॉयल एनफील्ड तीन साल पहिले आपन सबसे सस्ता मोटरसाइकिल हंटर 350 लॉन्च कईले रहे। एकरा बाद एs बाइक के जबरदस्त मांग बा। अब 3 साल बाद कंपनी एs बाइक के अपडेट वर्जन लॉन्च करे वाली बिया।
कवन बदलाव देखल जा सकेला?
अपडेट भईल हंटर से अवुरी आरामदायक सवारी मिले के उम्मेद बा। रॉयल एनफील्ड ऑल-एलईडी हेडलाइट अवुरी नाया रंग के विकल्प भी पेश कs सकता। एs सभ अपडेट के संगे हंटर 350 के दाम वर्तमान मॉडल से जादे होई। अब नयका हंटर 350 में गोल आकार के एलईडी हेडलाइट हो सकता, जवन कि पहिले के हैलोजन यूनिट के जगह ले ली। एकरा संगे टेललाइट अवुरी इंडिकेटर्स में एलईडी भी होई, जवना से रात में दृश्यता में सुधार होई अवुरी बाइक के आधुनिक रूप दिही।
नया रियर सस्पेंशन सेटअप
पिछला मॉडल में राइड क्वालिटी के कुछ शिकायत रहे। अब एs नाया मॉडल में प्रगतिशील स्प्रिंग वाला जुड़वा शॉक एब्जॉर्बर दिहल जा सकता, जवन कि अलग-अलग सड़क के स्थिति में बेहतर आराम अवुरी स्थिरता दिही। 2025 के हंटर 350 में 5 इंच के टीएफटी डिस्प्ले मिल सकता, जवना में स्मार्टफोन कनेक्टिविटी, टर्न-बाय-टर्न नेविगेशन, कॉल अलर्ट अवुरी म्यूजिक कंट्रोल जईसन फीचर दिहल जाई।अब एs बाइक के मैट फिनिश अवरू टू टोन कलर स्कीम के संगे नाया पेंट के विकल्प के संगे देखल जा सकता। हालांकि इंजन में कवनो बड़ बदलाव ना होई। नयकी हंटर 350 के कीमत ₹ 1.50 लाख से ₹ 1.70 लाख (एक्स-शोरूम) के आसपास होखे के उम्मेद बा।
इहो पढ़ीं: सबेरे-सबेरे: गर्दन के समस्या करत बा परेसान, तs रोजे करीं इs Exercise
