रिटायर्ड आईएएस अरुण गोयल के चुनाव आयोग में चुनाव आयुक्त के रूप में नियुक्त कइल गइल बा। राष्ट्रपति द्रौपदी मुर्मू एह प आपन सहमति दे देले बाड़ी। हालांकि अभी उनकर नियुक्ति के तारीख अभी तय नइखे भइल।
चुनाव आयुक्त के रूप में उनकर नियुक्ति के घोषणा तब कइल गइल बा जब अगिला महीना में गुजरात में विधानसभा चुनाव होखे वाला बा। गुजरात में 1 दिसंबर से 5 दिसंबर के बीच विधानसभा चुनाव होखे वाला बा। ओहिजा, एकर नतीजा आठ दिसंबर के घोषित होई।
गौर करे आला बात बा कि अरुण गोयल 1985 बैच के आईएएस अधिकारी हवे। ऊ 31 दिसंबर 2022 के 60 साल के उमिर में सेवानिवृत्त होखे वाला रहस, बाकिर एक महीना पहिलही ऊ अपना पद से 18 नंवबर माने बिहान इस्तीफा दे देले रहस।
