Ramayan and Durga Saptshati in UP Temples: यूपी के मंदिर आ शक्तिपीठ में रामायण आ दुर्गा सप्तशती के पाठ… योगी सरकार जिला के दिहले निर्देश, कारण समझीं

Ramayan and Durga Saptshati in UP Temples: यूपी के मंदिर आ शक्तिपीठ में रामायण आ दुर्गा सप्तशती के पाठ… योगी सरकार जिला के दिहले निर्देश, कारण समझीं

गोरखपुर: नवरात्रि के अवसर पे यूपी के मंदिरन में विशेष कार्यक्रम के आयोजन के तइयारी कइल गइल बा| योगी सरकार मंदिरन में रामायण आ दुर्गा सप्तशती के पाठ के आयोजन करे के फैसला कइले बान| कार्यक्रम के आयोजन खातिर विशेष पैकेज देवे के प्रस्ताव भी तैयार कईल गईल बा।

गोरखपुर: उत्तर प्रदेश के मंदिर आ शक्तिपीठ में रामायण आ दुर्गा सप्तशती के पाठ के आयोजन के तइयारी हो रहल बा। एकरा खातीर सरकार के ओर से दिशा-निर्देश जारी कईल गईल बा। जिला, तहसील आ प्रखंड स्तर पे सगरी डीएम लोग के एह तरह के आयोजन करे के तइयारी हो रहल बा| योगी आदित्यनाथ सरकार एह प्रकार के आयोजन के माध्यम से एगो बड़ संदेश देवे के कोशिश कईले बा। अतीत में मुख्य विपक्षी दल समाजवादी पार्टी के मुखिया अखिलेश यादव कोमल हिंदुत्व के राजनीति के माध्यम से भारतीय जनता पार्टी के हिंदुत्व पिच में आईल बाड़े। रामचरितमानस विवाद के बीच अखिलेश यादव भाजपा के हिंदुत्व पे कोना में डाले के कोशिश कईले। अयीसना में 2024 के लोकसभा चुनाव से पहिले योगी सरकार ए प्रकार के आयोजन के माध्यम से विपक्ष के फंसावे के कोशिश करतिया।

मंदिर आ शक्तिपीठ में रामायण आ दुर्गा सप्तशती के आयोजन के तइयारी के एलान से अब राजनीतिक माहौल भी गरम हो सकेला। अयीसना में एकर विरोध करेवाला पक्ष के परेशानी के सामना करे के पड़ी। संगही भाजपा ए प्रकार के आयोजन के माध्यम से सरकार के एगो अलग उपलब्धि जनता के सोझा ले आई। योगी सरकार जिला स्तर पे ए प्रकार के आयोजन खातीर एक लाख रुपया के फंड के घोषणा कईले बिया। रामनवमी के दिन एह योजना के तहत मंदिरन में अखंड रामायण पाठ करावे के तइयारी चलत बा| एकरा अलावे शक्तिपीठ में दुर्गा सप्तशती के आयोजन क के इलाका में भक्ति के माहौल बनावे के तैयारी जारी बा। एह आयोजन खातिर प्रखंड स्तर पर मंदिरन के चिन्हित क के धन उपलब्ध करावल जाई| जेहसे कि एहमें कवनो कमी ना होखे|