प्रयागराज में होखे वाला महाकुंभ में रोज लाखों श्रद्धालु नहाये आ रहल बाड़े। एs दौरान देश के अलग-अलग जगह से प्रयागराज खातीर चलत ट्रेन में भारी भीड़ देखाई देता। एकरा संगे महाकुंभ स्पेशल ट्रेन भी यात्रियन के सुविधा खातीर रेलवे के ओर से लगातार चलावल जाता। एकरा संगे प्रयागराज महाकुंभ जाए वाला श्रद्धालु लोग खातीर रेलवे भी वंदे भारत ट्रेन चलावे के घोषणा कईले बिया। रेलवे नई दिल्ली से प्रयागराज होत वाराणसी खातिर महाकुंभ स्पेशल वंदे भारत ट्रेन चलावे के फैसला कइले बिया.
इहो पढ़ीं:सबेरे-सबेरे: करीं दिन के शुरूआत सुबेरे के एs मंत्र के साथे
वीकेंड में इs ट्रेन तीन दिन ले चली
असल में महाकुंभ अब अपना आखिरी चरण में बा. 26 फरवरी ले चले वाला एह महाकुंभ के अंतिम दिन में भक्तन के संख्या बढ़ सकेला। एकरा के ध्यान में राखत नई दिल्ली से प्रयागराज होत वाराणसी जाए वाला वंदे भारत ट्रेन के संचालन के घोषणा कईल गईल बा। एहमें एह हफ्ता महाकुंभ मेला में भाग लेबे वाला श्रद्धालु लोग के सुविधा खातिर रेलवे 15, 16 आ 17 फरवरी के नई दिल्ली से वाराणसी (प्रयागराज के रास्ता) के बीच महाकुंभ स्पेशल वंदे भारत ट्रेन चलावे के एलान कइले बा. इs ट्रेन नई दिल्ली से वाराणसी जाई अवुरी बदला में वाराणसी से नई दिल्ली आई।
इहो पढ़ीं: सबेरे-सबेरे: बाल के समय से पहिले उज्जर होले से रोकी, करीं इs 4 गो योगासन
नई दिल्ली से वाराणसी के सफर
एह महाकुंभ विशेष ट्रेन के बारे में जानकारी देत एगो अधिकारी कहले कि वीकेंड में महाकुंभ में नहाए वाला लोग के विशेष सुविधा देवे के मकसद से भारतीय रेलवे के ओर से विशेष वंदे भारत ट्रेन के संचालन कईल जाता। ई ट्रेन 15, 16 आ 17 फरवरी के चले वाला बा. एह ट्रेन के नंबर 02252 होई। ई वंदे भारत स्पेशल ट्रेन नई दिल्ली रेलवे स्टेशन से सबेरे 5.30 बजे निकली आ प्रयागराज होत दुपहरिया 2.20 बजे वाराणसी पहुंची। एकरा बाद इs ट्रेन वाराणसी स्टेशन से दुपहरिया 3.15 बजे निकली अवुरी प्रयागराज होत रात 11.50 बजे नई दिल्ली पहुंची.
इहो पढ़ीं: अतवारी छौंक: ‘बात कुछ पुरनका दौर के ‘ अपने दौर के underrated एक्ट्रेस रहली ‘राखी गुलजार’
