रोमानिया के ममाया में खेलल गइल विश्व युवा शतरंज चैंपियनशिप में भारत के प्रणव आनंद आ एआर इलमपर्थी क्रमश: अंडर-16 आ अंडर-14 श्रेणी में सुक के चैंपियन बनल लो। शीर्ष वरीयता प्राप्त आनंद बियफे के 76वां भारतीय ग्रैंडमास्टर बनल रहले। 11 दौर के बाद ऊ 9 अंक जुटवले आ ऊ विजेता बनले। ऊ प्रतिद्वंद्वी से आधा अंक आगे रहले।
आनंद के हमवतन दूसरा वरीयता प्राप्त एम प्राणेश आठ अंक के संगे संयुक्त रूप से तीसरा नंबर प रहले। 11 दौर के मुकाबलन में प्रणव आनंद अजेय रहले। ऊ सात गो मैच जीतले आ चार गो ड्रॉ खेलले। ऊ 11वां आ अंतिम मैच फ्रांस के ड्रॉइन ऑगस्टिन से ड्रॉ खेलले। ऑगस्टिन दसवां दौर में अर्मेनिया के एमिन ओहान्यन के हरवले रहस। प्राणेश छव जीत आ चार ड्रॉ खेलले। छठा दौर में ओहान्यन से मिलल हार से उनकर खिताब जीते के उम्मीदन प पानी फिर गइल।
नौ मैच जीतले इलमपर्थी
आनंद के तरे इलमपर्थी अपना प्रतिद्वंद्वी से आधा अंक आगे रहले। ऊ 11 दौर में 9.5 अंक जुटवले। ऊ मैच गेम जीतले, एगो ड्रॉ खेलले आ यूक्रेन के अर्टेम बेरिन से चउथा दौर के मैच हार गइल रहस। ओपन अंडर-18 स्पर्धा में सोहन कमोत्रा 7 अंक लेके 14वें स्थान पर रहे। एस हर्षद 6.5 अंक के साथे 24वें नंबर प रहले। अंडर-14 लईकियन में मृतिका मल्लिक 8 अंक के संगे चउथा नंबर प रहली। अनुपम एस श्रीकुमार आ एचजी प्रग्न्या क्रमश: सातवां आ आठवां स्थान प रहल लो। अंडर-18 बालिका वर्ग में एस कनिष्का 7.5 अंक के साथ छठवां आ रक्षिता रवि एतने अंक लेके आठवां स्थान प रहली।
