मुंगेर : जिला में एक बेर फेर पुलिस टीम पs हमला के मामला सोझा आईल बा। इहाँ गांव के लोग पथराव कईले अवुरी पुलिस आपातकालीन सेवा के ‘डायल-112’ टीम पs हमला कईले, जवना में तीन पुलिसकर्मी घाही हो गईले। मुंगेर के पुलिस अधीक्षक सैयद इमरान मसूद मंगल के दिने बतवले कि एह मामिला में नामित 28 लोग के खिलाफ प्राथमिकी दर्ज करावल गइल बा. उs कहले कि सोमार के रात में हमला करेवाला 24 लोग के गिरफ्तार कs लिहल गईल, जबकि बाकी लोग के गिरफ्तारी खातीर छापामारी जारी बा।
कमरा में बंद कs के दुनो लोग मारपीट करत रहले
पुलिस के ओर से जारी बयान के मुताबिक सोमार के खड़गपुर थाना के ‘डायल-112’ के माध्यम से सूचना मिलल कि फसियाबाद के गांव के लोग दु लोग के बंधक बना के पिटाई करतारे। मिलल जानकारी के आधार पs खड़गपुर के अनुमंडल पुलिस अधिकारी के नेतृत्व में बनल पुलिस के एगो विशेष टीम फसियाबाद में स्थित कम्युनिटी हॉल के नजदीक पहुंचल। उs देखले कि कम्युनिटी हॉल के बहरी भारी संख्या में मरद मेहरारू मौजूद बाड़े। उs लोग सामुदायिक भवन में बहरी से ताला लगा देले रहले अवुरी भीतरी कुछ लोग बंधक बना के राखल दुनो लोग के पीटत रहले।
फोन छीनला के बाद विवाद बढ़ गईल
बयान के मुताबिक पुलिस स्थिति के काबू में कs के दुनो बंधक के अपना हिरासत में लेके एक-एक कs पूछताछ कईलस। दुनों बंधक के पहचान विक्की कुमार अवुरी संजेश कुमार के रूप में भईल बा। कम्युनिटी हॉल के नजदीक मौजूद गांव के लोग पुलिस के बतवले कि फसियाबाद गांव के गोविंद कुमार अपना छोट भाई अंकुश कुमार के शौच खातीर बहरी जात रहले, तबे कम्युनिटी हॉल के नजदीक मोटरसाइकिल पs सवार तीन लोग हथियार लेके चलत गोविंद के मोबाइल छीन के मारपीट कईले। एकरा से नाराज गांव के लोग विक्की कुमार अवुरी संजेश कुमार के बंधक बना लेले।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
