पिछला हफ्ता जम्मू कश्मीर के पहलगाम में भइल भयावह आतंकी हमला के बाद भारत आ पाकिस्तान के बीच हालात तनावपूर्ण बा. मानल जाता कि दुनो देश के बीच युद्ध हो सकता। एही बीच जम्मू कश्मीर में पाकिस्तानी सेना नियंत्रण रेखा पs गोलीबारी कईले बिया। भारतीय सेना भी एह फायरिंग के उचित जवाब देले बिया।
पाकिस्तान चाहत बा कि एह हमला के जाँच में रूस आ चीन के भागीदारी होखे
पाकिस्तान के रक्षा मंत्री ख्वाजा आसिफ कहले कि रूस चाहे चीन चाहे पश्चिमी देश ले एs संकट में बहुत सकारात्मक भूमिका निभा सकतारे अवुरी उs लोग जांच टीम भी बना सकतारे। एकर जांच एगो अंतर्राष्ट्रीय टीम के करे के चाही।
लश्कर-ए-तैयबा आ बांग्लादेश के संपर्क में बा – निशिकांत दुबे
भाजपा सांसद निशिकांत दुबे कहले कि, “लश्कर-ए-तैयबा बांग्लादेश के अंतरिम सरकार से लगातार संपर्क में बा। आतंकी घुसपैठ रोके खातीर भारत अवुरी बांग्लादेश दुनो के सीमा के सुरक्षित राखे के जरूरत बा। पूरा देश के पीएम अवुरी गृहमंत्री पs भरोसा बा।”
पहलगाम आतंकी हमला से जादा दुर्भाग्यपूर्ण कुछुओ नईखे- निशिकांत दुबे
भाजपा सांसद निशिकांत दुबे कहले कि – “…पहलगाम आतंकी हमला से जादे दुर्भाग्यपूर्ण कुछूओ नईखे हो सकत। सौभाग्य से भारत के नेतृत्व अयीसन आदमी करतारे, जेकरा लगे 140 करोड़ भारतीय के समर्थन बा अवुरी पूरा दुनिया उनुका के एगो मजबूत प्रधानमंत्री के रूप में देखता।”
अमेरिका में प्रस्तुति
अमेरिका के वाशिंगटन डीसी में भारतीय प्रवासी समुदाय के सदस्य पहलगाम आतंकी हमला में पीड़ित लोग के याद में शांतिपूर्ण विरोध प्रदर्शन कईले। फ्रांस में भारतीय लोग भी एह हमला के निंदा कइले बा।
सिक्किम के सीएम कैंडल मार्च में भाग लिहले
सिक्किम के मुख्यमंत्री प्रेम सिंह तामांग पहलगाम आतंकी हमला के शिकार लोग के संगे एकजुटता देखावे खातीर गंगटोक में आयोजित कैंडल मार्च में भाग लेले बाड़े. उs कहले कि, “हमनी के श्रद्धांजलि समारोह के आयोजन कईले बानी… जब भी देश के जरूरत होई तs हमनी के सिक्किम के जनता हमेशा उहाँ खड़ा रहब… इs कार्यक्रम इs संदेश देवे खातीर बा कि हमनी के देश के संगे मजबूती से खड़ा बानी जा…”
कुपवाड़ा आ पुंछ जिला में गोलीबारी
27-28 अप्रैल 2025 के रात पाकिस्तान सेना के चौकी पर कुपवाड़ा आ पुंछ जिला के सीमावर्ती इलाका में नियंत्रण रेखा के पार बिना उकसवले छोट हथियार के गोलीबारी शुरू कइलस। भारतीय सेना तेजी से आ प्रभावी तरीका से जवाब देले बा।
इहो पढ़ीं: सबेरे-सबेरे: गर्दन के समस्या करत बा परेसान, तs रोजे करीं इs Exercise
