Om Puri Birth Anniversary: खुद तय कइले बर्थडे के तारीख, फेरु मउत पs कइले भविष्यवाणी, का रउरा पता बा ओम पुरी के इ खिस्सा?

Minee Upadhyay

 

Om Puri Unknown Facts : बॉलीवुड के दिग्गज कलाकारन में से एगो ओम पुरी शायद एह दुनिया से अलविदा कहले होखस बाकिर उनुकर क्षमता अबहियों प्रभावशाली बा। आपन बचपन बेहद गरीबी में बितावे वाला ओम पुरी खुद आपन जन्मदिन तय क लेले रहले। एकरा संगे उ अपना मउत के भविष्यवाणी भी कईले रहले।जन्मदिन के विशेष में हमनी के ओम पुरी के जीवन के कुछ कहानी से परिचय करा रहल बानी जा।

ओम पुरी के बचपन अईसन रहे

ओम पुरी के बचपन बेहद गरीबी में बीतल।असल में जब उ महज छह साल के रहले। ओह दौरान सीमेंट चोरी के आरोप में उनुका पिता के जेल भेज दिहल गईल, जवना के बाद ओम पुरी के पूरा परिवार बिखर गईल। घर चलावे खातिर उ चाय के दोकान में बर्तन धोवे के काम भी करत रहले। एकरा बाद ओम पुरी कवनो तरह से पढ़ाई पूरा क के नेशनल स्कूल ऑफ ड्रामा में दाखिला ले लिहले।

जन्मदिन के तारीख खुद तय कईले रहनी

रउरा ई जान के हैरान होखब कि ओम पुरी के उनकर जन्म तिथि ना मालूम रहे। असल में उनुका लगे अइसन कवनो प्रमाणपत्र ना रहे जवना से ऊ आपन जन्मतिथि साबित कs सकस। अयीसना में उ खुद आपन जन्मदिन के तारीख तय कs लेले रहले। ओम पुरी के मुताबिक उनुकर महतारी कहत रहली कि उनुकर जन्म दशहरा के दिन भईल बा, लेकिन तारीख केहु के पता ना रहे। ओम पुरी जब मुंबई अइले त उ आपन जनम तिथि 18 अक्टूबर तय कइले, काहे कि ओह साल दशहरा 18 अक्टूबर के रहे।

पहिला फिल्म में गजब के काम कइले

ओम पुरी के फिल्मी कैरियर के बात करत उ मराठी फिल्म घासीराम कोतवाल से अभिनय शुरू कईले। एकरा संगे साल 1980 के दउरान उ फिलिम आक्रोश से बॉलीवुड में शुरुआत कईले। ई फिलिम हिट रहल, जवना से ओम पुरी के इंडस्ट्री में स्थापित कइलस। एकरा बाद आरोहण, अर्द्ध सत्य, जाने भी दो यारों, चाची 420, हेरा फेरी, मालामाल वीकली आ मिर्च मसाला वगैरह फिलिमन में देखल गइल। ओम पुरी के आरोहण आ अर्द्ध सत्य फिलिम खातिर सर्वश्रेष्ठ अभिनेता के राष्ट्रीय पुरस्कार भी मिलल।

ई भविष्यवाणी मउत के बारे में कइल गइल रहे

जन्म तिथि के तरह ओम पुरी आपन मउत के भविष्यवाणी कईले रहले। दरअसल बीबीसी के दिहल साक्षात्कार में उ कहले रहले कि हमार मउत के बारे में आपके पता तक ना होई। सुतत-सुतत चल जाई। रउरा सभे के पता चल जाई कि ओम पुरी के काल्ह सबेरे 7.22 बजे निधन हो गईल। ओम पुरी ई कहत हँसे लगन। असलियत में ओम पुरी के दिल के दउरा पड़ले से अचानक 6 जनवरी 2017 के निधन हो गईल ।

 

 

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।