Old Parliament House: पुरान संसद भवन में चल रहल बा सांसदन के फोटो सेशन, राहुल गांधी सबसे पीछे खड़ा नजर अइले

Minee Upadhyay

 

पुरान संसद भवन में सांसदन के फोटो सत्र हो रहल बा। एकरा बाद सांसद नया संसद भवन में चल जइहें आ एहिजा सबेरे 11 बजे एगो खास कार्यक्रम के आयोजन कइल जाई।

ई कार्यक्रम करीब डेढ़ घंटा ले चल सकेला

आजु पुरनका संसद भवन से अलविदा कहला के बाद सांसद नया संसद भवन में प्रवेश करीहें। एकरा से पहिले पुरनका संसद भवन में सांसदन के फोटो सेशन हो रहल बा। सब सांसद समूह में बईठल बाड़े। हैरानी के बात इ बा कि फोटो सेशन के दौरान राहुल गांधी के पीछे खड़ा देखाई देले। बता दीं कि फोटो सत्र के बाद सबेरे 11 बजे नया संसद भवन में एगो विशेष कार्यक्रम के आयोजन कइल जाई जवन करीब डेढ़ घंटा ले चल सकेला।

-लोकसभा अवुरी राज्यसभा के सांसद संसद भवन में संयुक्त फोटो सेशन खातीर जुटल बाड़े।

– उपराष्ट्रपति जगदीप धनखड़, पीएम मोदी, रक्षा मंत्री राजनाथ सिंह, लोकसभा अध्यक्ष ओम बिरला सबसे आगे बईठल बाड़े।

– कांग्रेस नेता राहुल गांधी सांसदन के समूह के पीछे खड़ा

लउकत बाड़े।

– पुरान संसद भवन में फोटो सेशन खातिर समूह में बइठले।

– पीएम मोदी संसद पहुंचले, लोकसभा स्पीकर ओम बिरला पहिलही से मौजूद रहले।

– पुरान संसद में सांसद के पहुंच जारी बा, जल्दिए कार्यक्रम शुरू हो जाई

– नया संसद भवन में सबेरे 11 बजे से विशेष कार्यक्रम

– पुरान संसद भवन में सांसदन के फोटो सेशन होई।

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।