NIOS Result 2023: एनआईओएस दसवीं, बारहवीं परीक्षा के परिणाम जारी हो गइल बा। नेशनल इंस्टीट्यूट ऑफ ओपन स्कूलिंग (NIOS) कक्षा 10 आ कक्षा 12 के छात्रन खातिर अप्रिल-मई पब्लिक परीक्षा 2023 के परिणाम आधिकारिक वेबसाइट nios.ac.in पs रिलीज कइल गइल बा। एह एग्जाम में सामिल होखे वाला कैंडिडेट्स के सलाह दिहल जात बा कि ऊ पोर्टल पs जाके नतीजन के जांच कs लेवे लो। एकरा अलावे, ऊ चाहे तs कैंडिडेट्स नीचे दिहल गइल आसान स्टेप्स के फॉलो कs के परिणाम देख सकत बा।
एनआईओएस 10वीं, 12वीं रिजल्ट के जांच करे खातिर सबसे पहिले उम्मीदवारन के आधिकारिक वेबसाइट nios.ac.in पs जाये के होई। एकरा बाद, होमपेज पs, ‘लर्नर्स कॉर्नर’ देखीं आ ‘परिणाम’ लिंक पs क्लिक करीं। अब पब्लिक परीक्षा’ विकल्प पs क्लिक करीं ‘परिणाम जांचीं’ लिंक पs क्लिक करीं। एकरा बाद उम्मीदवारन के आपन नामांकन नंबर आ कैप्चा दर्ज करे के होई आ सबमिट पs क्लिक करे के होई। अब एनआईओएस परिणाम स्क्रीन पs प्रदर्शित होई। उम्मीदवारन के परिणाम डाउनलोड करे के चाहीं आ भविष्य के संदर्भ खातिर प्रिंटआउट लेवे के चाहीं।
