ओकरे बैग से मिलल नोट में लिखल रहे ‘हम आदित्य तिवारी कक्षा 9 के छात्र हईं। हम अपने गलती खातिर माफी मांगsतनीं, हम जौन कइनीं, ऊ बिल्कुल गलत रहल।। मैम हम वादा करsतनीं कि अइसन दूबारा कब्बो नाइ होई।’
छात्र के पिता उमेश कुमार तिवारी आर्मी से रिटायर्ड हवें अउर खरगापुर के वशिष्ठ विहार कॉलोनी में रहेने। प्रभारी निरीक्षक के मुताबिक नोट के जांच होई। परिजन के शिकायत पर आगे के कार्रवाई होई।
ओंने, सीएमएस के प्रवक्ता ऋषि खन्ना बतवलें कि घटना से पूरा सीएमएस परिवार सकते में बा अउर आदित्य के ठीक होखले के मनोकामना करsता। छात्र से मिलल नोट स्कूल के साधारण प्रक्रिया ह।
जब कौनो छात्र गलती करsला त शिक्षिका माफीनामा लिखवावेली। ऊ शिक्षिका के नंबर पिता के मोबाइल पर ब्लॉक कs के रखले रहे। शिक्षिका उनसे कहली, तहरे पिता से बात नाइ हो पावत रहल ह, उनसे कहिहs, होम विजिट पर अइहें।
तहार आईकार्ड भी नइखे बनल। उनसे दू फोटो भी लेवे के बा। ओंने, प्रिंसिपल संगीता बैनर्जी बहन के बीमार होखले के चलते कानपुर में रहली।
घटना के जानकारी पर ऊ तुरंत लखनऊ पहुंचली अउर मामिला के जांच में जुट गइली।