भारत चंद्रमा पs उतरे वाला चउथा देश बन गइल आ पिछला साल 23 अगस्त के अपना दक्षिण ध्रुवीय क्षेत्र पs उतरे वाला पहिला देश बन गइल. एह ऐतिहासिक उपलब्धि के याद में प्रधानमंत्री नरेंद्र मोदी 23 अगस्त के राष्ट्रीय अंतरिक्ष दिवस के रूप में मनावे के घोषणा कईले रहले। एह साल देश आपन पहिला राष्ट्रीय अंतरिक्ष दिवस मनावल जाई आ एकर थीम “चंद्रमा को छूते हुए जीवन को छूना- भारत की अंतरिक्ष गाथा” होखी. अंतरिक्ष में भारत के उल्लेखनीय उपलब्धियन, समाज के गहिराह फायदा आ हर वर्ग के लोग के भारतीय अंतरिक्ष कार्यक्रम से जुड़ल असीम अवसरन के उजागर करत कई गो आयोजन कइल जाई. इसरो के नामी वैज्ञानिक आ बेंगलुरु के यू आर राव सैटेलाइट सेंटर के निदेशक एम संकरण राष्ट्रीय अंतरिक्ष दिवस के प्रासंगिकता पs अखिल भारतीय रेडियो से विशेष रूप से बात कइलन. श्री शंकरन जानकारी दिहलन कि राष्ट्रपति मुख्य कार्यक्रम के उद्घाटन नई दिल्ली में करीहें. एह कार्यक्रम में देश भर में रोबोटिक चैलेंज आ हैकाथॉन के आयोजन कइल जा रहल बा जेहसे कि अंतरिक्ष क्षेत्र में भारत के प्रगति के बारे में जागरूकता पैदा हो सके.
