इज़राइल-हमास युद्ध में अब ले 500 से जादा मउत

 

इजराइल आ फिलिस्तीनी आतंकी संगठन हमास के बीच भइल लड़ाई में अबले पाँच सौ से अधिका लोग के मउत हो चुकल बा। शनिचर के दिने हमास के अचानक हमला में तीन सौ से अधिका इजराइली जान गँवा दिहले बाड़न।एकरा संगे इजराइल से भईल जवाबी हमला में गाजा पट्टी से करीब 250 लोग के मउत के खबर बा। ओने अमेरिका आ भारत समेत बहुते देश एह आतंकी हमला के निंदा कइले बाड़न। अमेरिकी राष्ट्रपति बाइडन इजराइल पs भइल हमला के देखत इजराइल के आठ अरब डॉलर के आपातकालीन सहायता देबे के निर्देश भी दिहले बाड़न।