रोटी हमनी के सब घर में बनेला, लेकिन दुनिया के सबसे बड़ रोटी राजस्थान के भीलवाड़ा में बनल रहे। एह रोटी के बनावे में करीब दू घंटा के समय लागल आटा के गूंध के ओकरा बाद रोटी के रोल करे में। एकरा संगे 207 किलो के ए रोटी के सेंकला में चार से पांच घंटा लागल। पिछला दू साल से एह दुनिया के सबसे बड़ रोटी बनावे के तइयारी चलत रहे। आ, अब बताईं कि दुनिया के सबसे बड़ रोटी काहे, कहाँ अवुरी कवना काम खातीर बनल रहे?
ई खास रोटी कहाँ बनल रहे?
207 किलो वजन के ई रोटी भीलवाड़ा शहर के हरिसवा धाम में बनल रहे। महामंडलेश्वर संत हंसराम के मार्गदर्शन में बनल एह रोटी के बनावे के प्रक्रिया खुद सबेरे से शुरू हो गईल रहे। 22 लोग मिल के एकर आटा गूंधले। एकरा बाद रोटी के रोलिंग आ ओकरा बाद सेंक के प्रक्रिया शुरू हो गईल। जेकरा बाद ई रोटी साँझ के तइयार हो गइल रहे। ई रोटी तावा पs बिना पलटले एके तरफ से सेंकल गइल।
1000 ईंट से बनल चूल्हा, 1000 किलो वजन के
207 किलो के आटा से रोटी बनावे से पहिले एक हजार ईंट से चूल्हा बनावल गइल। एकरा ऊपर एक हजार किलो वजन के लोहा से बनल चूल्हा रखल गइल। रोटी के रोलिंग खातिर 20 फीट लंबा रोलिंग पिन भी तैयार कईल गईल रहे। एकरा अलावे 800 किलो कोयला अवुरी घड़ा अवुरी बाकी चीज़ के भी रोटी सेंके के जरूरत रहे।
तीन राज्य के हलवाई लोग विशेष रोटी बनवले
दुनिया के इ सबसे बड़ रोटी राजस्थान, महाराष्ट्र अवुरी गुजरात के हलवाई के तइयारी कईले बाड़े। एह रोटी के बनावे में चार से पांच घंटा लागल। एकरा के खाली एक ओर से बिना घुमवले बेक कइल जात रहे। हजार से अधिका लोग एह खास रोटी के प्रसाद स्वीकार करीहें।
