उत्तर प्रदेश के रामपुर से एगो हैरानी के मामला सामने आईल बा। जहां बानर एक झटका में करोड़पति हो गईल। असल में इ चौंकावे वाला मामला शाहबाद तहसील में भईल। इहाँ एगो आदमी रजिस्ट्री कार्यालय में बैनामा करावे आइल रहे। उ अपना बाइक बैग में एक लाख रुपया रखले रहले। जवना के ओहिजा घूमत एगो बंदर निकालले रहे। एकरा बाद हलचल मच गईल। तहसील में हंगामा देख के भीड़ जुट गईल। बहुत मेहनत के बाद बंदर से पईसा छीन लिहल गईल।
बता दीं कि मंगल के दिने मोहल्ला जिलेदारन के निवासी अबरार हुसैन बैनामा करावे खातिर तहसील आइल रहले. एक लाख रुपया झोरा में रखले रहले। उ बाइक में रख के उ वकील के लगे गईले। ऊ वकील से हिसाब किताब करे लगने।
मोटरसाइकिल में रखल एक लाख रुपिया लेके भाग गईल बंदर
एही बीच एगो बंदर आके बाइक में राखल एक लाख रुपया के झोरा निकाल के पेड़ पs चढ़ गईल। इ देख के अबरार के होश उड़ गईल अवुरी उ हल्ला मचावे लगले। ओकरा बाद मौका पs भीड़ जमा हो गईल। कहीं बहुत मेहनत के बाद बंदर से पईसा छीन लिहल गईल। फेर साँस में साँस लेहले।
Comments are closed.