पंजाब के मोहाली में झूला टुटला के वीडियो सोशल मीडिया पर वायरल हो गइल बा। झूला महज तीन सेकेंड में 50 फुट के उंचाई से नीचे गिरल। एहमें 30 लोग सवार रहलें। सबके चोट लागल बा। एहमें से 13 लोग गंभीर रूप में घायल बानें। सब के सरकारी अउर निजी अस्पताल में भर्ती करावल गइल बा। दरअसल, मोहाली के फेज-आठ दशहरा मैदान में मेला चल रहल बा। इहां ड्रॉप टावर झूला के हाइड्रोलिक के तार टूटला से नीचे गिरल बा।
ई खामी प्राथमिक जांच में निकल के सामने आइल बा लेकिन अधिकारी लोग एकर पुष्टि नाइ कइले बानें। उहवें ई हादसा प्रशासन के कार्यप्रणाली पर भी सवालिया निशान लगा दिहले बा।
प्रशासनिक अधिकारी लोग मेला के आयोजन के मंजूरी देने के बाद ई देखल ले जरूरी नाइ समझल कि सुरक्षा से संबंधित इंतजाम पूरा बा कि नाइ।
Comments are closed.