यूपी विधानसभा में विधायक गुटखा खाके थूकले, नाराज अध्यक्ष लगवले फटकार

उत्तर प्रदेश विधानसभा से एगो हैरानी के मामला सोझा आईल बा।  आजुकाल्हु एहिजा विधानसभा के कार्यवाही चलत बा.  एह कार्रवाई में भाग लेवे खातिर बहुत सदस्य पहुंच रहल बाड़े।  एही बीच मंगल के विधानसभा अध्यक्ष कहले कि एगो सदस्य पान मसाला खा के विधानसभा के भीतर गंदगी फइलवले बा।  उs डांटत कहले कि हम कवनो सदस्य के नाम निजी तौर पs ना लेब, बाकिर हम उनुका के सीसीटीवी पs देखले बानी।  उs खुदे इहाँ आके हमरा से मिले के चाही।  एकरा संगे उs बाकी सदस्य से भी अपील कईले बाड़े कि सदन सभके हs।

कवनो सदस्य के नाव ना लेब

बता दीं कि आजु सदन में विधानसभा के कार्यवाही शुरू होखते विधानसभा अध्यक्ष सभे सदस्यन के एह बात के जिक्र कइलन. उs कहले कि, “आज सबेरे हमरा इs जानकारी मिलल कि हमनी के विधानसभा के एs हॉल में मिलल सम्मानित आदमी पान मसाला खईला के बाद आपन सेवा देले रहले। जब हम आईल रहनी तs ओकरा के साफ कs देले रहनी अवुरी हम ओ सदस्य के भी वीडियो में देखले बानी। हम कवनो व्यक्ति के अपमान नईखी कईल चाहत, एहसे हम उनुकर नाव नईखी लेत। हम सभ सदस्य से निहोरा करतानी कि जदी उs लोग अपना कवनो सहयोगी के अयीसन करत देखतारे तs उs लोग भी उनुका के रोके।”

इहो पढ़ीं : भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा