मिल्कीपुर उपचुनाव के वोट के गिनती चलत बा, आ अबहीं ले भारतीय जनता पार्टी के उम्मीदवार चंद्रभानु पासवान समाजवादी पार्टी के उम्मीदवार अजीत प्रसाद से आगे बाड़न. पहिला दौर के बाद भाजपा उम्मीदवार के 3995 वोट के बढ़त रहे, अवुरी दूसरा दौर में इs बढ़त 6500 वोट तक पहुंच गईल बा।
सपा भाजपा पs बेईमानी के रिकार्ड तोड़े के आरोप लगवलस
समाजवादी पार्टी के सांसद अवधेश प्रसाद उपचुनाव पs सवाल उठवले अवुरी आरोप लगवले कि भाजपा ‘बेईमानी के रिकॉर्ड तूड़ देले बिया।’ उs कहले कि पार्टी चुनाव आयोग में कई बेर शिकायत कईले बिया, जवना में दावा कईल गईल कि भाजपा के लोग बूथ कैप्चरिंग करतारे, आ चुनाव आयोग कवनो कार्रवाई ना कईलस। हालांकि सपा सांसद के मानल बा कि आखिर में सपा के उम्मीदवार ही जितीहें।
इहो पढ़ीं: सबेरे-सबेरे: बइठले – बइठले करीं ई एक्सरसाइज Memory Sharp करे खातीर
बता दीं कि मिल्कीपुर उपचुनाव मुख्यमंत्री योगी आदित्यनाथ आ सपा अध्यक्ष अखिलेश यादव के प्रतिष्ठा से भी जुड़ल बा। उत्तर प्रदेश के राजनीति में इs उपचुनाव महत्वपूर्ण बा, अवुरी दुनो बड़ दल खातीर इs एगो महत्वपूर्ण चुनौती बन गईल बा।
सुरक्षा के कड़ा इंतजाम
मिल्कीपुर उपचुनाव के मतगणना अयोध्या के सरकारी इंटर कॉलेज के बरामदा में हो रहल बा जहाँ 14 गो टेबल पs मतगणना हो रहल बा. पूरा गिनती प्रक्रिया 30 दौर में 76 कर्मचारी अवुरी 19 पार्टी कर्मचारी के मदद से होई। सुरक्षा के कड़ा इंतजाम कईल गईल बा अवरू चुनाव आयोग के पर्यवेक्षक भी मौजूद बाड़े, जवना में डीएम चंद्र विजय सिंह, एसएसपी राजकरण नायर शामिल बाड़े।
इहो पढ़ीं: Lifestyle: नींबू से दांत कइसे साफ करीं? सफेद आ चमकदार दांत खातीर अपनाई इs असरदार तरीका
उपमुख्यमंत्री ब्रजेश पाठक कहले कि पार्टी ‘दिल्ली अवुरी मिल्कीपुर दुनो में जीत हासिल करतिया’ अवुरी समाजवादी पार्टी के ओर से लगावल आरोप के निराधार बतवले। उनुका मुताबिक राज्य के जनता एकरा के बहुत निमन से समझले बिया। एह चुनावी मुकाबला में भाजपा अबले लगातार बढ़त बनवले रखले बिया जबकि सपा के तरफ से चुनावी गड़बड़ी के आरोप लगावल जा रहल बा. अब देखे के बा कि वोट गिनला के बाद कवन पार्टी जीतत बा.
