Middle East: मिडिल ईस्ट में युद्धपोत आ लड़ाकू विमान तैनात करी अमेरिका, इजरायल-ईरान के बीच बढ़त तनाव के बाद लेलस फैसला

अमेरिका मध्य पूर्व में आपन अतिरिक्त लड़ाकू विमान आ नौसैनिक युद्धपोत लगावे के फैसला कइले बा। पेंटागन कहलस कि उऽ चाहत बा कि ईरान आ ओकरा सहयोगी देश हमास आ हिजबुल के धमकी का बाद वाशिंगटन सुरक्षा मजबूत करे। अमेरिकी रक्षा सचिव लॉयड ऑस्टिन मध्य पूर्व आ यूरोप में नौसेना के क्रूजर आ विध्वंसक जहाज भेजे के मंजूरी दे देले।

इजरायल पs ईरान में हमास के प्रमुख हनिया के हत्या के आरोप लगावल जा रहल बा। एकरा बाद ईरान आ इजरायल के बीच सीधा युद्ध के तनाव बढ़ गइल बा| एही बीच अमेरिका मध्य पूर्व में आपन अतिरिक्त लड़ाकू विमान आ नौसैनिक युद्धपोत लगावे के फैसला कइले बा। पेंटागन ई जानकारी बियफे के दिने देलस। पेंटागन कहलस कि उऽ चाहत बा कि ईरान आ ओकरा सहयोगी देश हमास आ हिजबुल के धमकी का बाद वाशिंगटन सुरक्षा मजबूत करे।

अमेरिका मध्य पूर्व में लड़ाकू विमानन के एगो अतिरिक्त दस्तो भेज रहल बा

अमेरिकी रक्षा सचिव लॉयड ऑस्टिन मध्य पूर्व आ यूरोप में नौसेना के क्रूजर आ विध्वंसक विमान भेजे के मंजूरी दे दिहलन। जवन बैलिस्टिक मिसाइल गिरा सकेला। अमेरिका लड़ाकू विमानन के एगो अतिरिक्त दलो मध्य पूर्व में भेज रहल बा।

अमेरिका जवाब देबे खातिर तइयार बा

पेंटागन एगो बयान जारी कऽ के कहले कि ऑस्टिन अमेरिकी सेना के सुरक्षा में सुधार, इजरायल के रक्षा के समर्थन बढ़ावे आ ई सुनिश्चित करे खातिर अमेरिकी सैन्य मुद्रा में समायोजन करे के आह्वान कइले बाड़न आ ई सुनिश्चित कइले बाड़न कि अमेरिका कई तरह के आकस्मिकता के जवाब देबे खातिर तइयार बा।

अमेरिकी सेना 13 अप्रैल से पहिले मध्य पूर्व में तैनाती बढ़ा चुकल रहे जब ईरान इजरायली इलाका पs ड्रोन आ मिसाइल से हमला कइलस। एकरा बाद अमेरिका आशंका जतवले रहे कि अइसन हमला फेर से हो सकेला। अमेरिका मध्य पूर्व सागर में ड्रोन आ मिसाइल रोके खातिर तैनाती बढ़ा दिहले बा।

जो बाइडेन नेतन्याहू से फोन प बात कइले

इजरायल अबतक ले अमेरिका आ आउर सहयोगी देशन के मदद से अपना लगभग 300 ड्रोन आ मिसाइलन के लगभग सगरी सफलतापूर्वक मार के गिरा चुकल बा। व्हाइट हाउस के कहनाम बा कि बियफे के नेतन्याहू के संगे फोन कॉल में जो बाइडेन मिसाइल आउर ड्रोन जइसन खतरा के खिलाफ इजरायल के समर्थन खातिर नाया अमेरिकी रक्षात्मक सैन्य तैनाती पs चर्चा कइले।