चुनाव : पहिला चरण में पड़ल 78.03% वोटिंग, पीएम मोदी कइनें एम्स के घोसना

मणिपुर विधानसभा चुनाव खातिर पहिलका चरण के मतदान सोमार के खतम हो गइल। चुनाव आयोग के मुताबिक, पहिलका चरण में हिंसा के छिटपुट घटना के बीचो 78.03 फीसदी मतदान भइल। 60 विधानसभा सीट आले मणिपुर में सोमार के 38 सीट पर चुनाव भइल रहे, बाकी बचल 22 सीटों पर पांच मार्च के वोटिंग होई।

इंफाल पश्चिम और कांगपोकपी में सबसे ज्यादा वोटिंग

जौने पांच जिला में पहिलका चरण के चुनाव भइल, ओमें सबसे ढेर वोटिंग 82.19 प्रतिशत इंफाल पश्चिम अउर कांगपोकपी जिला में दर्ज कइलगइल। एकरे बाद इंफाल पूरब में 76.64 प्रतिशत, चुराचांदपुर में 74.45 प्रतिशत अउर बिष्णुपुर जिला में 73.44 प्रतिशत मतदान भइल।

झड़प में एक घायल

पुलिस बतवलस कि चुराचांदपुर जिला में दू गो विरोधी दल के कार्यकर्तन के बीच झड़प के घटना भइल। झड़प में कम से कम ए गो आदमी घायल हो गइल। इंफाल पूर्व, इंफाल पश्चिम अउर कांगपोकपी जिला के कई हिस्सो से झड़प के सूचना मिलल, लेकिन सुरक्षाकर्मी सब पुलिस बल जुटा के स्थिति को सम्हार लेहनें।

 

साभार – दैनिक जागरण